პრინცი ჰარის 40 წლის იუბილემდე 3 დღე რჩება, თუმცა, როგორც ჩანს, პრინც უილიამს ძმასთან ურთიერთობის გამოსწორების ან საჩუქრის გაკეთების სურვილი საერთოდ არ აქვს.

პოლ ბარელის, პრინცესა დაიანას ყოფილი სამეფო მსახურთუხუცესის თქმით, უელსის პრინცისა და ბრიტანეთის მომავალი მეფისთვის, უილიამისთვის, ოჯახური დაძაბულობისთვის წერტილის დასმა პრიორიტეტი სულაც არ არის.

ბევრი სხვადასხვა წყაროს მიხედვით, ჰარის სიმსივნით დაავადებული მამის, მეფე ჩარლზის დახმარება და სამეფო ოჯახის წევრის ვალდებულებების დროებით შეთავსება სურს, თუმცა უილიამი ძმის ოჯახში დაბრუნების წინააღმდეგია და არ უნდა, რომ მისი და ქეით მიდლტონის ცხოვრებაში პრინცმა ჰარიმ "პრობლემები წარმოშვას".

ფოტო: Getty Images

მსახურთუხუცესის თქმით, "უილიამმა ძმა მოიკვეთა და ჰარის მის სამყაროში ადგილი აღარ აქვს. ის უკვე აღარაა ის კაცი, რომელთან ერთადაც გაიზარდა და რომლის იმედიც მეფედ გახდომის გზაზე ჰქონდა. უილიამი თავისი და ქეითის ცხოვრებას არ არევს მათ ყოველდღიურობაში იმ ადამიანის მოწვევით, რომელიც მათ ისევ უღალატებს."

პრინცებს ცოტა ხნის წინ ერთმანეთის ნახვისა და საუბრის საშუალება ჰქონდათ, როცა თავიანთი ბიძის, ლორდ რობერტ ფელოუსის დაკრძალვაზე იმყოფებოდნენ, თუმცა იქ მყოფი ადამიანების ცნობით, ერთმანეთისთვის ხმა არ გაუციათ. მას შემდეგ, რაც პრინცმა ჰარიმ სამეფო ოჯახის წევრობაზე უარი განაცხადა, მას ბრიტანეთში ოფიციალური რეზიდენცია აღარ აქვს და დაკრძალვაზე ვიზიტის შემდეგ პრინცესა დაიანას ოჯახთან დარჩა.