ყაზბეგის 32-ა-ში მოსახლეობა კორპუსის მშენებლობას აპროტესტებს. ისინი დილიდან არიან შეკრებილი მშენებლობის ადგილას და სამშენებლო კომპანიის წარმომადგენლებს არ აძლევენ უფლებას, რომ ადგილზე მძიმე ტექნიკამ იმუშაოს.

რამდენიმე წუთის წინ, შელაპარაკება მოხდა კომპანიის წარმომადგენლებსა და ადგილობრივ მოსახლეობას შორის, რის შემდეგაც ერთ-ერთი ქალბატონი შეუძლოდ გახდა და სასწრაფო დახმარების გამოძახება გახდა საჭირო.

ყაზბეგის 32ა-ში მცხოვრები მოსახლეობა, მათ გვერდით კორპუსის მშენებლობას აპროტესტებს

ყაზბეგის 32ა-ში მცხოვრები მოსახლეობა, მათ გვერდით კორპუსის მშენებლობას აპროტესტებს

ფოტო: NEWS.On.ge

ადგილობრივები ამბობენ, რომ აქ 5-სართულიანი კორპუსი უნდა აეშენებინათ და ახლა 11-სართულიანი კორპუსის აშენების გეგმა აქვთ, რაც დააზიანებს გვერდით მდგარ კორპუსს, რომელიც 33 სმ-ით უკვე გადახრილია.

"უნდათ სისრულეში მოიყვანონ უნებართვოდ გაცემული მშენებლობის დასრულება, უნდათ ჩაასხან ბეტონი. ჩვენ არ ვაძლევთ ნებას იმიტომ, რომ ჩვენს 14-სართულიან კორპუსს გამოაცალეს ძირი და წყალი, რამაც გამოიწვია ნიადაგის გამოშრობა და გადაიხარა კორპუსი 33 სმ-ით. გვაქვს 3 დაკვირვება დინამიკაში, სამხარაულმა მოგვანიჭა დაზიანების მეორე კატეგორია და დაწერა, რომ შეწყვეტილი უნდა იქნას სამუშაოები, სანამ არ გამაგრდება კორპუსი. არ გვინდა ჩავიმარხოთ ნანგრევებში. არ გვინდა აქ განმეორდეს ბათუმის ტრაგედია. ყველა ინსტანციაზე გვაქვს განცხადება შეტანილი, მერიაში, ხაზზე გვყავს საკრებულოს თავმჯდომარე", — აცხადებს ერთ-ერთი ადგილობრივი.

ადგილზე დილიდანვეა შეკრებილი პოლიცია. მოვიდა სასწრაფო დახმარების ეკიპაჟიც.

ადგილზე დილიდანვეა შეკრებილი პოლიცია

ადგილზე დილიდანვეა შეკრებილი პოლიცია

ინფორმაცია განახლდება.