ანია გალაჩიო ბრიტანელი მხატვარია, რომელიც სპეფიციკურ, მინიმალისტურ ინსტალაციებს ქმნის და ხშირად ორგანულ ნივთიერებებთან მუშაობს, შოკოლადის, შაქრის, ყინულისა და ყვავილების ჩათვლით. ამჯერად, მან თავისი მორიგი ნამუშევარი შოკოლადისგან შექმნა. ჰაი-სტრიტზე მდებარე ცარიელ მაღაზიაში შეიძლება ბევრი არაფერი დაგხვდეთ სანახავი, მაგრამ თუ თვალებს დახუჭავთ, რაღაც განსაკუთრებულს აუცილებლად შეიგრძნობთ.

"ის, რისი სუნიც ამდენად ინტენსიურად იგრძნობა, შოკოლადის საღებავია, რომლითაც ოთახის ოთხივე კედელია დაფარული" — განმარტავს გალაჩიო.

ფოტო: BBC

ამ ნამუშევრებს ყველა ქვეყანაში განსხვავებულად შეხვდნენ, თუმცა ყველა რეაქციას ერთი რამ აერთიანებს — აღფთოვანებას ვერავინ მალავს.

"იაპონიაში, სადაც ველოდი, რომ ხალხი მეტად თავშეკავებული იქნებოდა, ასე არ მოხდა, ისინი მიდიოდნენ და კედლებს კოცნიდნენ."

ფოტო: BBC

აღსანიშნავია, რომ მას შემდეგ, რაც ანია გალაჩიო ტერნერის პრიზზე იყო ნომინირებული, 21 წელი გავიდა. ახლა კი ახალ სეზონს საკუთარ სამშობლოში იწყებს, მომავალ კვირას, Turner Contemporary გალერეაში მისი მთავარი ნამუშევრების გამოფენა მოეწყობა.