16 წლის გოგომ, რომელიც ყველაზე ახალგაზრდაა მათ შორის, ვინც ლა-მანშის სრუტე გადაცურა, თქვა, რომ "ეს მხოლოდ დასაწყისია".

პრიშა ტაპრემ, 4 სექტემბერს გაცურა 21 მილი (34 კმ) დოვერიდან კაპ გრის ნეზამდე. მან ეს გამოწვევა 11 საათსა და 48 წუთში დაასრულა.

ფოტო: BBC

"ეს უბრალოდ არარეალურია. მე ჯერ კიდევ არ მჯერა, რომ ლა-მანში გადავცურე, მაგრამ თავს ძალიან კარგად ვგრძნობ, პირველი ორი საათის განმავლობაში ყველაფერი რთული მეჩვენებოდა, მაგრამ შიში გადავლახე. ყველაფერი დალაგდა და იდეალურად იყო. უკეთესს ვერც ვინატრებდი" — თქვა მან.

პრიშა უოტფორდის საცურაო კლუბის წევრია, ცურვა 12 წლის ასაკში დაიწყო, მას სურს, რომ ეთნიკური უმცირესობების წარმომადგენელი ახალგაზრდა გოგოები წაახალისოს, რათა ისინი სპორტით, კერძოდ კი, ცურვით დაკავდნენ.

ფოტო: BBC

"შევამჩნიე, რომ ეთნიკურ უმცირესობათა წარმომადგენელების რიცხვი ძალიან მცირეა ისეთ სპორტში, როგორიცაა ცურვა, მე უბრალოდ მინდოდა, რომ სხვა ახალგაზრდა გოგოები წამეხალისებინა, რათა მათ სტერეოტიპების დამსხვრევა შეძლონ."

პრიშამ 3,700 ფუნტი შეაგროვა საქველმოქმედო ორგანიზაცია Akshaya Patra UK-ისთვის, რომლის მიზანი შიმშილთან და სიღარიბესთან ბრძოლაა.

ყოველწლიურად ლა-მანშის სრუტის გადაცურვას ასობით ადამიანი ცდილობს, ზოგიერთი მათგანი დაიღუპა კიდეც.

ჯერემი ირვაინმა, უოტფორდის საცურაო კლუბის მწვრთნელმა, აღნიშნა: "პრიშამ აჩვენა, თუ რისი მიღწევაა შესაძლებელი, როდესაც თავდაუზოგავად ვარჯიშობ."