"რაც პაველ დუროვს ბრალად ედება, ყველა სოციალურ პლატფორმაზე ხდება, ანუ მასთან ერთად, გამოძიება მარკ ზაკერბერგით და ილონ მასკით უნდა დაინტერესდეს", — ამის შესახებ რუსეთის პრეზიდენტმა, ვლადიმირ პუტინმა Telegram-ის დამფუძნებელ პაველ დუროვის დაკავებაზე საუბრისას თქვა.

რუსეთის პრეზიდენტის განცხადებით, საფრანგეთის ხელისუფლებამ დუროვის მიმართ შერჩევითად იმოქმედა.

პუტინმა მედიასთან განაცხადა, რომ პაველ დუროვს მხოლოდ ერთხელ, რამდენიმე წლის წინ შეხვდა, როცა რუსი ბიზნესმენები კრემლში კონსულტაციებზე იმყოფებოდნენ. პუტინმა დასძინა, რომ დუროვის ბოლოდროინდელი ადგილსამყოფლის შესახებ არაფერი იცოდა.

შეგახსენებთ, რომ Telegram-ის დამფუძნებელი და აღმასრულებელი დირექტორი, პაველ დუროვი საფრანგეთის პოლიციამ 24 აგვისტოს, პარიზის აეროპორტში დააკავა. მის გასამართლებას პროკურატურა 12 მუხლით ითხოვს, მათ შორის — ბავშვთა პორნოგრაფიის გავრცელებაში, ნარკოტიკებით ვაჭრობასა და ფულის გათეთრებაში თანამონაწილეობისა და ასევე გამოძიებისთვის მნიშვნელოვანი ინფორმაციის დამალვის მუხლით.

პაველ დუროვს სასამართლომ საფრანგეთის დატოვება აუკრძალა და 5-მილიონიანი გირაო დააკისრა, — ამის შესახებ ფრანგული მედია წერს. სასამართლოს გადაწყვეტილებითვე, ის პოლიციაში კვირაში ორჯერ უნდა გამოცხადდეს.

ამავე თემაზე:

• პარიზის პროკურატურამ დუროვს ბრალი ოფიციალურად წარუდგინა
• Telegram-ის დამფუძნებელი პაველ დუროვი ასი შვილის მამა და 15.5 მლრდ-ის მფლობელია
• მაკრონი: დუროვის დაკავება არ არის პოლიტიკური გადაწყვეტილება
• "Telegram-ის უფროსს, პაველ დუროვს არაფერი აქვს დასამალი" — Telegram დაკავების ამბებს ეხმაურება
• საფრანგეთის სასამართლომ Telegram-ის დამფუძნებელს პატიმრობა კიდევ 48 საათით გაუხანგრძლივა