ეროვნული უსაფრთხოების დასაცავად, ფინეთის მთავრობას სურს რუსეთის მოქალაქეების უმეტესობას სკანდინავიურ ქვეყანაში ქონების შეძენა აეკრძალოს, — ამის შესახებ ორშაბათს ფინეთის თავდაცვის მინისტრმა, ანტი ჰაკანენმა განაცხადა. ინფორმაციას Reuters ავრცელებს.

თავდაცვის მინისტრის განცხადებით, ახალი რეგულაციები მიზნად ისახავს, რუსეთის მხრიდან, ფინეთის წინააღმდეგ, შესაძლო მტრული გავლენის თავიდან აცილებას.

გამოცემა წერს, რომ ფინეთსა და მეზობელ რუსეთს შორის ურთიერთობები 2022 წელს მოსკოვის უკრაინაში შეჭრის შემდეგ დაიძაბა, რამაც ჰელსინკი აიძულა შეერთებოდა NATO-ს სამხედრო ალიანსს.

უძრავი ქონების შესყიდვის შემოთავაზებული აკრძალვა ათავისუფლებს ორმაგ მოქალაქეებს და რუსებს, რომლებსაც მუდმივი რეზიდენტი აქვთ ფინეთში ან ევროკავშირის სხვა ქვეყნებში.