ჭუბერის მოსახლეობამ ზუგდიდი მესტიის ცენტრალური გზის ჭუბერი-ხაიშის მონაკვეთი გადაკეტა. ადგილობრივები გზის რეაბილიტაციას ითხოვენ.

ადგილობრივების თქმით, ჭუბერის გზა, შიდა გზები, ასევე უბნების დამაკავშირებელი ხიდები იმდენად დაზიანებულია, რომ მსუბუქი მანქანებისთვის გადაადგილება ძალიან რთული გახდა. ჭუბერში აღარ ჩადიან არც ტურისტები.

პროტესტის მონაწილეები ამბობენ, რომ ყოველი არჩევნების წინ ისმენენ დაპირებას გზის რეაბილიტაციაზე, პროცესი დაწყებული იყო, თუმცა გაჩერდა.

მოსახლეობა მერთან შეხვედრას ითხოვდა, რაც არ შედგა, სწორედ ამიტომ, მათ გზა გადაკეტეს.