საერთაშორისო ლიტერატურული ფესტივალი თბილისში 2015 წლიდან ტარდება, ფესტივალის ორგანიზატორი კი მწერალთა სახლი იყო. ამ დროისთვის აღნიშნულ ფესტივალში 40 ქვეყნიდან ჩამოსულ 160-მდე მწერალსა და ლიტერატორს აქვს მონაწილეობა მიღებული, თუმცა ბოლო წლებში, მმართველმა პარტიამ კულტურის სფეროში ჩარევა დაიწყო, რის შედეგადაც მრავალმა კულტურულმა დაწესებულებამ და მათ შორის, მწერალთა სახლმა დამოუკიდებლობა დაკარგა.

წელს მე-9 საერთაშორისო ლიტერატურული ფესტივალის ორგანიზატორი საქართველოს PEN ცენტრი იქნება, ქვეყანაში არსებული მდგომარეობის გათვალისწინებით, განსაკუთრებით მნიშვნელოვანია მწერალთა ხმა, ვინაიდან, დღეს შემოქმედებითი პროცესების დამოუკიდებლობის, სიტყვისა და გამოხატვის თავისუფლების შენარჩუნება ნებისმიერი სფეროს წარმომადგენლისთვის ერთგვარ გამოწვევად იქცა.

ფოტო: Tbilisi International Festival of Literature

წლევანდელი ფესტივალის თემა "პროტესტი ლიტერატურაში და მის ფარგლებს გარეთ" იქნება, რაც საქართველოში მიმდინარე პროცესებს ეხმაურება და სიმბოლურიც კია.

როგორც ცნობილია, წელს ფესტივალში 20 ქვეყნის 16 წარმომადგენელი მიიღებს მონაწილეობას, ეს ავტორები იქნებიან:

ოლგა პოვოროზნიკი (უკრაინა)
დენვერ ბათსონი (აშშ)
ვიგდის იორთი (ნორვეგია)
კლერ კაიზერი (აშშ)
ვლადიმირ ნეკლიაევი (ბელარუსი)
ლეო ვარდიაშვილი (დიდი ბრიტანეთი)
ერიკ ლი (აშშ)
ლაურა აჩერბონი (იტალია)
ნორბერტ ჰუმელტი (გერმანია)
აუსტა ფანეი სიგურდარდოუთირი (ისლანდია)
მარლენ ტისო (საფრანგეთი)
არმენ ოჰანიანი (სომხეთი)
როდოლფო ჰესლერი (ესპანეთი)
ურშულა ჰონეკი (პოლონეთი)
გიუნელ მოვლუდი (აზერბაიჯანი)
მატიე კორპატო (შვეიცარია)
კარლის ვერდინში (ლატვია)
იოზეფ ჰრდლიჩკა (ჩეხეთი)
კრისტოფ ჰასენცალი (გერმანია)
კატია ვოლტერსი (გერმანია)

თბილისის მე-9 საერთაშორისო ლიტერატურული ფესტივალი 27-30 სექტემბერს გაიმართება.