ტეილორ სვიფტი ერას ტურისგან შესვენებას იღებს და ამჟამად როდ-აილენდზე, საკუთარ საზღვაო რეზიდენციაში შეყვარებულთან, ამერიკული ფეხბურთის ვარსკვლავ ტრევის კელსისთან ერთად ისვენებს. წყვილს შვებულებისას ბევრი ცნობილი სახე ესტუმრა.

სვიფტს საზაფხულო "არდადეგების" მთავარი სტუმრები მისი ახლო მეგობრები, ბლეიკ ლაივლი და რაიან რეინოლდსი იყვნენ. ლაივლი და რეინოლდსი, რომლებიც 2012 წელს დაქორწინდნენ, პაპარაციმ სვიფტის სახლში კოცნისას დააფიქსირა. აღსანიშნავია, რომ ლაივლი ამჟამად თავის უახლეს ფილმს, It Ends With Us-ის პიარ კამპანიას აწარმოებს, რომლის გამოც საერთაშორისო კრიტიკა დაიმსახურა.

ფოტო: Patriot Pics / BACKGRID

ჰოლივუდის მეგავარსკვლავებს კიდევ ერთი მსახიობი, ბრედლი კუპერი შვიდი წლის შვილთან, ლეასთან ერთად შეუერთდა. როგორც ჩანს, იმის შემდეგ, რაც კუპერი სვიფტის მეგობრის, სუპერმოდელი ჯიჯი ჰადიდის შეყვარებული გახდა, მომღერალსაც დაუახლოვდა. ბრედლი კუპერი და ჯიჯი ჰადიდი ერთად ერას ტურზეც დააფიქსირეს, აპრილში კი წყვილმა სვიფთტან და კელსისთან ერთად გაატარა საგაზაფხულო დასვენება.

ბრედლი კუპერი და ჯიჯი ჰადიდი.

ფოტო: Getty Images

მათ გარდა, სვიფტმა ტრევის კელსის თანაგუნდელს, პატრიკ მაჰოუმსს და მის ცოლ-შვილსაც უმასპინძლა. ვარსკვლავურ უიქენდზე კელსის ძმა და ცოლიც იმყოფებოდნენ.

ატლანტიკის ოკეანის პირას მდებარე რეზიდენცია ტეილორ სვიფტმა 2013 წელს 17 მილიონ დოლარად შეიძინა. სახლი 1021 კვადრატული მეტრის ფართობზეა გადაჭიმული და რვა საძინებელსა და 10 სააბაზანოს მოიცავს.

teilor sviftis saxli rod-ailen

ფოტო: Ryan Turgeon/ /Splash News/Corbis

34 წლის მომღერალმა 20 აგვისტოს ერას ტურის ევროპული ნაწილი ლონდონში, უემბლის სტადიონზე ჩატარებული კონცერტით დაასრულა და ტურს, რომელმაც უკვე უამრავი რეკორდი მოხსნა, ორი თვის შემდეგ ჩრდილოეთ ამერიკაში გააგრძელებს.