რუსეთი ადასტურებს, რომ უკრაინულმა ძალებმა კურსკის ოლქში მესამე ხიდიც გაანადგურეს. ხიდი მდინარე სეიმზე იყო გაშენებული და რუსული ჯარების მომარაგებაში მნიშვნელოვან ფუნქციას ასრულებდა.

კურსკის ოლქში, უკრაინის შეიარაღებულმა ძალებმა პირველი ხიდი 16 აგვისტოს ააფეთქეს, ხოლო მეორე — 18 აგვისტოს.

შეგახსენებთ, 6 აგვისტოს, უკრაინის თავდაცვის ძალები კურსკის ოლქში შევიდნენ და შეტევითი ოპერაცია წამოიწყეს. ბოლო ცნობებით, უკრაინა 1000 კვადრატული კილომეტრზე მეტს აკონტროლებს რუსეთის ფედერაციის ტერიტორიაზე.