Rossya-1-თან ინტერვიუში, ბელორუსიის პრეზიდენტმა ალექსანდრ ლუკაშენკომ განაცხადა, რომ ბელორუსის არმიის თითქმის მესამედი უკრაინის საზღვარზეა გადაყვანილი.

მისი თქმით, კიევი არა მხოლოდ ინარჩუნებს 120 ათასზე მეტ სამხედროს ბელორუსის საზღვრებთან, არამედ დამატებითი ძალებს აგზავნის.

ბელორუსიის დიქტატორი ამბობს, რომ უკრაინამ, კურსკის ოლქში ომის დაწყებით, "აწია ფსონები", რაც მისივე თქმით — არასწორი ნაბიჯია.

"რუსი მებრძოლები და პუტინი, მოკვდებიან და მაინც გაიყვანენ იქიდან უკრაინელ სამხედროებს", თქვა მან.

ლუკაშენკო ფიქრობს, რომ უკრაინამ უკვე გაიარა "დენაციფიკაციის" ეტაპი.

"თქვენ ზოგჯერ საუბრობთ ნაცისტებზე, თუმცა ნაცისტები იქ აღარ არიან. არის რამდენიმე გაგიჟებული ნაცისტი, რომლებიც რჩებიან იქ, მაგრამ ისინი აღარ ითვლებიან ტრენდულად" — აღნიშნა, ალექსანდრ ლუკაშენკომ ინტევიუში საუბრისას.

ლუკაშენკომ თავის გამოსვლაში ისიც გააჟღერა, რომ მოსკოვმა და კიევმა მოლაპარაკებები უნდა დაიწყონ და შეწყვიტონ ეს "ჩხუბი", რომელიც "მხოლოდ აშშ-ს სჭირდება".

17 აგვისტოს, უკრაინის პრეზიდენტმა, ვოლოდიმირ ზელენსკიმ განაცხადა, რომ შეჭრა ზუსტად ისე მიმდინარეობს, როგორც დაგეგმილია, უკრაინელი ჯარები აძლიერებენ საკუთარ პოზიციებს კურსკის ოლქში.

უკრაინის ძველი განცხადებით, კურსკის ოლქში დაწყებული შეტევა, კიევს უკეთესი პოზიციის მოპოვებაში უნდა დაეხმაროს, თუ რუსეთთან მოლაპარაკებები დაიწყება.