სამეფო კარის თამაშებში მეფეებისა და ლორდების სიკვდილი გასაკვირი რა ხანია აღარ არის. მაგრამ მეშვიდე სეზონის მესამე სერიაში, HBO-ს დრამა სამუდამოდ გამოემშვიდობა სერიალის ერთ-ერთ ბრწყინვალე პერსონაჟს, მაყურებლის ფავორიტ პერსონაჟს ლედი ოლენა ტირელს, რომლის როლსაც შეუდარებელი დაიან რიგი ასრულებდა.

ოლენა საკუთარ ბედისწერას მაშინ შეხვდა, როდესაც ლანისტერების არმია ტირელების სასახლეს მიადგნენ ჰაიგარდენში. ჯეიმიმ ოლენას უთხრა, რომ სერსეის მისი სიკვდილის რამდენიმე ვერსია ჰქონდა, მათ შორის ცოცხლად გატყავებაც, თუმცა საბოლოოდ ეს იდეა გადააფიქრებინა და მარტივად, საწამლავით მოუღებდა ბოლოს, რომელიც ღვინის ჭიქაში ჩაუსხა.

სწორედ ამ დროს, ოლენა ჯეიმის გამოუტყდა, რომ ჯოფრი მან მოკლა და წარმოთქვა უკვე საკულტო სიტყვები - უთხარი სერსეის, მსურს რომ მან ეს იცოდეს.

"როდესაც ჩვენ სამსახიობო ანსამბლში დაიანა რიგს ვიწვევდით, ნინა გოლდთან, ჩვენს კასტინგ მენეჯერთან ერთად შევხვდით მას. რა თქმა უნდა, მას კასტინგი არ გაუვლია, ჩვენ მასზე თვიდანვე ვიყავით შეყვარებული. ის ძალიან საყვარელი, სასაცილო და ნიჭიერია, ამას მოწმობს ისიც, რომ მან ზუსტად ის გააკეთა, ის შექმნა, რაც გვსურდა. ბედნიერები ვართ, რომ მუშაობა მოგვიწია ისეთ ლეგენდარულ მსახიობთან როგორიც დაიანაა. ის ჩემი ერთ-ერთი საყვარელი პერსონაჟი იყო და მისი სიტყვები, ოლენას ფინალურ ეპიზოდში გახდა ჩემი ფავორიტი მთელი სეზონის განმავლობაში", ამბობს სერიალის შემქმნელი დეივიდ ბენიოფი.

შოუს კიდევ ერთი შემქმნელი, დ.ბ. ვეისი კი ფიქრობს, რომ ოლენა არის ერთადერთი პერსონაჟი, რომელმაც საკუთარი სიკვდილით გაიმარჯვა:

"საოცრად მიყვარს და მომწონს ის სცენები, რომლებშიც დაიანა თამაშობს, მათ შორის მისი ფინალური ეპიზოდი პირველ ადგილზეა. მან ჯეიმის დანახვისთანავე იცოდა, რომ ბევრი დრო არ ჰქონდა და მიუხედავად ამისა, მხოლოდ მას შემდეგ თქვა სიმართლე, რაც საწამლავი დალია, ასე აირიდა თავიდან ის სიკვდილი, რომელსაც საბოლოოდ სერსეი მიუსჯიდა - მტანჯველსა და დამამცირებელს. შესაბამისად, ოლენა ერთადერთი პერსონაჟია, რომელმაც საკუთარი სიკვდილით გაიმარჯვა", ამბობს ვეისი.

ლედი ოლენას სიკვდილს ეხმიანება ჯეიმი ლანისტერის როლის შემსრულებელი, ნიკოლაი კოსტერ-ვალდაუც და ამბობს, რომ რიგის პერსონაჟი სერსეი ლანისტერს ჰგავს.

"ოლენა ბევრი რამით ჰგავს სერსეის, ყველაზე მთავარი კი ის არის, რომ ორივე მათგანს აქვს ბნელი და ნათელი მხარე. საოცრად მომწონს ის, თუ როგორი სიკვდილი არჩია მან. არაჩვეულებრივი გადაწყვეტილება იყო. მას დიდი გავლენა ჰქონდა მთელ სერიალზე და ჩემთვის, როგორც მსახიობისთვის, დიდი პატივი იყო დაიანას გვერდით დგომა", ამბობს ნიკოლაი.

დაიანა რიგი საკუთარი კარიერის განმავლობაში ნომინირებული იყო ოქროს გლობუსა და ემიზე, მათ შორის, სამეფო კარის თამაშებში შესრულებული როლისთვისაც. შოუს შემქმნელი დეივიდ ბენიოფი კი იმედოვნებს, რომ სატელევიზიო აკადემია შემდეგ წელს მას კიდევ წარადგენს ამ საპატიო ჯილდოზე.

"ის უდაოდ ერთ-ერთი ფავორიტი უნდა იყოს შემდეგი წლის ემიზე. იმედი მაქვს, სატელევიზიო აკადემია მიხვდება, თუ რამდენად მაგარი იყო ოლენა თავის ფინალურ სცენაში", ამბობს ბენიოფი.