Meta-ს მფლობელმა, ტექნოლოგიური სფეროს გიგანტმა მარკ ზაქერბერგმა ცოლის, პრისცილა ზაქერბერგის ქანდაკება დაამზადებინა.

ქანდაკება, რომელიც 2,1 მეტრის სიმაღლისაა, ზაქერბერგმა "ცოლების სკულპტურების რომაული ტრადიციისადმი პატივისცემის" გამო დაამზადებინა. მისი ავტორი ნიუ-იორკელი არტისტი დანიელ არშამია. Facebook-ის შემქმნელმა ქანდაკება საკუთარი სახლის ეზოში, ხის ქვეშ დაადგმევინა.

პრისცილას ქანდაკება უჩვეულო, მოლურჯო-მომწვანო ფერშია დამზადებული და ტანისამოსი ისეა აფრიალებული, თითქოს მოძრაობს.