შეერთებული შტატების სახელმწიფო მდივნის მოადგილე ევროპისა და ევრაზიის საკითხებში, ჯეიმს ო’ბრაიენი კიევში იმყოფება.

ვოლოდიმირ ზელენსკის ოფისი ცნობით, ო'ბრაიენი პრეზიდენტის ადმინისტრაციის ხელმძღვანელს, ანდრი ერმაკს შეხვდა. ის უკრაინის დედაქალაქს 13 აგვისტოს ეწვია. სახელმწიფო მდივნის მოადგილე ასევე შეხვდა უკრაინის საგარეო საქმეთა მინისტრ დმიტრო კულებას და სამოქალაქო საზოგადოების წარმომადგენლებს.

შეერთებული შტატების ელჩმა უკრაინაში, ბრიჯეტ ბრინკმა სოციალურ ქსელში დაწერა, რომ უკრაინაში, ჯეიმს ო'ბრაიენის ყოფნა ძლიერი გზავნილია და აშშ-ს მხარდაჭერა უკრაინის მიმართ არ სუსტდება.