ექსტრადიციის საკითხს წყვეტს დამოუკიდებელი სასამართლო, — ამის შესახებ პარლამენტის თავმჯდომარე შალვა პაპუაშვილმა თბილისში დაკავებული აზერბაიჯანელი ჟურნალისტის აფგან სადიგოვის საქმესთან დაკავშირებით დასმული კითხვის საპასუხოდ განაცხადა.

პაპუაშვილის თქმით, ეს არის მართლმსაჯულების საკითხი.

"ექსტრადიციის საკითხს წყვეტს დამოუკიდებელი სასამართლო. ეს არის მართლმსაჯულების საკითხი და ამაში ჩარევა, რა თქმა უნდა, არ შეიძლება“, - აღნიშნა შალვა პაპუაშვილმა.

შეგახსენებთ, აზერბაიჯანელი ჟურნალისტი აფგან სადიგოვი თბილისში, 3 აგვისტოს დააკავეს. მას თბილისის საქალაქო სასამართლომ საექსტრადიციო პატიმრობა მიუსაჯა. სადიგოვი, ექსტრადირებაზე საბოლოო გადაწყვეტილების მიღებამდე ციხეში დარჩება.

ვრცლად ამ თემაზე: ალიევისადმი კრიტიკულად განწყობილი აზერბაიჯანელი ჟურნალისტი თბილისში დააკავეს