ამერიკული ანალიტიკური ცენტრი, ომის შემსწავლელი ინსტიტუტი ადასტურებს რომ კურსკის ოლქში უკრაინელები აგრძელებენ ოპერაციას.

რუსეთის კურსკის ოლქი უკრაინის სუმის ოლქს ესაზღვრება. სწორედ ამერიკელი ექსპერტები, გეოლოკაციური გააზრების საფუძველზე, ამბობენ რომ უკრაინის შეიარაღებული ძალები საზღვრიდან 10 კილომეტრის სიღრმეზეა შესული.

კურსკის გუბერნატორი ალექსეი სმირნოვი წერს, რომ რუსეთ-უკრაინის საზღვრის გარღვევიდან მეორე დღეს, რუსეთის ფედერაციის კურსკის ოლქში საგანგებო მდგომარეობა გამოცხადდა.

სმირნოვის თქმით კურსკის ოლქის "სასაზღვრო რაიონებში რთული ოპერაციული ვითარებაა".

"რეგიონში მტრის ძალების შემოჭრის შედეგების ლიკვიდაციისთვის" მთელ რეგიონში საგანგებო მდგომარეობა გამოცხადდა.

ვლადიმერ პუტინმა სიტუაციას "პროვოკაცია" უწოდა.

რუსეთის კურსკის ოლქში განვითარებულ მოვლენებზე უკრაინას ჯერ ოფიციალური კომენტარი არ გაუკეთებია.