ლუგარის ლაბორატორიაში სამეცნიერო პროექტები დაპაუზებულია. ინფორმაციას "პირველებს" ლაბორატორიის ფინანსური სამსახურის დეპარტამენტის უფროსი ოთარ ნამიჭეიშვილი უდასტურებს. ნამიჭეიშვილი ვერ ამბობს, რომელ პროექტებზეა საუბარი და პერიოდს გულისხმობს დაპაუზება, თუმცა ადასტურებს, რომ ეს ნამდვილად ასეა.

რიგი პროექტები დაპაუზდა დროებით. დეტალები არ ვიცი, მე ვიცი, რომ რარაც პროექტებს შეეხო, რასაც შეეხება მოვა ჩემამდეც, გავიგებ და მეცოდინება. რა პერიოდით დაპაუზდა, რომელი პროექტი დაპაუზდა, მიმდინარეზე საუბარი თუ ახალ პროექტზ, ეს დეტალები არ ვიცი. გადახედვის ეტაპზეა და დაპაუზებულია, მაგრამ რა არის დაპაუზებული, ამასაც ვერ გეტყვით რას ნიშნავს პროექტის დაპაუზება.ამის განმარტება ჩემთვის ახალია და ვერ გეტყვით, - ამბობს ნამიჭეიშვილი.

ტელეკომპანია “პირველის“ წყაროს ცნობით, დიდი ფული, რომელიც შეერთებული შტატებიდან დაავადებათა კონტროლის ეროვნულ ცენტრს ერიცხებოდა, მაღალი ალბათობით, აღარ გადმოირიცხება.

ლუგარი დაფინანსებას, სავარაუდოდ, სწორედ იმ 95 მილიონიდან იღებდა, რომელიც შტატებმა "ქართულ ოცნებას" ანტიდემოკრატიული ნაბიჯების საპასუხოდ გაყინა.

ამავე თემაზე: