ქართველი დიზაინერი, დავით კომახიძე, იტალიური მოდის სახლის, Blumarine-ის კრეატიული დირექტორი გახდა!

კომახიძეს, რომელსაც საერთაშორისოდ დეივიდ კომას (David Koma) სახელით იცნობენ, საკუთარი ბრენდიც აქვს. მის მიერ შექმნილი ტანისამოსი არაერთხელ სცმიათ ისეთ სელებრითებს, როგორებიც არიან ბიონსე, ნინა დობრევი, ბელა ჰადიდი, გვენ სტეფანი, კარა დელევინი, სკარლეტ იოჰანსონი და ა.შ.

Blumarine-ის კრეატიული დირექტორობა მისი კარიერის კიდევ ერთი მნიშვნელოვანი წარმატებაა. ბრენდის სახელი მაღალ მოდაში მნიშვნელოვანი რეპუტაციის მფლობელია და ესთეტიკურ, დახვეწილ, ნარნარა ტანსაცმელთან ასოცირდება.

კომას დებიუტი Blumareine-ში 2025 წლის წინასაშემოდგომო კოლექციით შედგება.