საკონსტიტუციო სასამართლოს თავმჯდომარის, მერაბ ტურავას განცხადებით, რუსულ კანონთან დაკავშირებით, პრეზიდენტის, არასამთავრობო ორგანიზაციების და ოპოზიციონერი დეპუტატების სარჩელი ერთ წარმოებად გაერთიანდება და განიხილება.

"კანონი არამარტო უნდა წავიკითხოთ, არამედ შედარებითი სამართლის კვლევა უნდა ჩავატაროთ და ამას 1 თვემდე მაინც დასჭირდება. ვადებს საკონსტიტუციო სასამართლოს პლენუმი განსაზღვრავს. ეს სარჩელები არ განიხილება კოლეგიის ფორმატში, პლენუმის ფორმატში განიხილება. ამ ეტაპზე მოსამართლეები სარჩელებს სწავლობენ", — განუცხადა მერაბ ტურავამ ჟურნალისტებს დღეს, 29 ივლისს.

ტურავას განცხადებით, საკონსტიტუციოს გადაწყვეტილება, პირველ რიგში, უნდა იყოს სწორი, კანონიერი და კონსტიტუციის შესაბამისი:"და ვის მოეწონება და ვის არა [გადაწყვეტილება], ამაზე მოგვიანებით ვისაუბროთ", — თქვა ტურავამ.