საქალაქო სასამართლომ, პრეზიდენტის განკარგულება იუსტიციის საბჭოს წევრად წიქარიშვილის დანიშვნის შესახებ, შეაჩერა
![კახა წიქარიშვილი](http://joey.on.ge/2024/07/22/kakha.jpg)
ფოტო: ფეისბუქი
თბილისის საქალაქო სასამართლოს განცხადებით, პრეზიდენტ სალომე ზურაბიშვილის განკარგულება, იუსტიციის უმაღლესი საბჭოს წევრად კახა წიქარიშვილის დანიშვნის შესახებ, შეჩერებულია.
სასამართლოს მიხედვით, მიზეზი პრეზიდენტის მიმართ საქალაქო სასამართლოს ადმინისტრაციულ საქმეთა კოლეგიაში შესული სარჩელია, რომლის ავტორი, მედიაში გავრცელებული ინფორმაციით, ადვოკატი მანუჩარ კაკოჩაშვილია.
კაკოჩაშვილმა მოითხოვა საქართველოს იუსტიციის უმაღლესი საბჭოს წევრად კახა წიქარიშვილის დანიშვნის შესახებ პრეზიდენტის განკარგულების ბათილად ცნობა და ახალი აქტის გამოცემა, კერძოდ, საქართველოს პრეზიდენტისათვის საქართველოს იუსტიციის უმაღლესი საბჭოს წევრად მოსარჩელის დანიშვნის დავალება.
ამავე სარჩელით, მოსარჩელემ სარჩელის უზრუნველყოფის მიზნით, იშუამდგომლა სამართალწარმოების დასრულებამდე პრეზიდენტის განკარგულების მოქმედების შეჩერება და დროებითი განჩინებით საქმეზე, სამართალწარმოების საბოლოოდ დასრულებამდე, პრეზიდენტისათვის ახალი კონკურსის ჩატარების და საქართველოს იუსტიციის უმაღლესი საბჭოს სხვა ახალი წევრის (ნებისმიერი ფორმით) დანიშვნის აკრძალვა (მოსარჩელის გარდა).
15 ივლისს, საქართველოს პრეზიდენტმა, სალომე ზურაბიშვილმა იუსტიციის საბჭოს არამოსამართლე წევრად კახა წიქარიშვილი დანიშნა.
"თქვენ იცით, რომ პრეზიდენტს შეუძლია, ერთპიროვნულად მიიღოს ეს გადაწყვეტილება და დაადგინოს იუსტიციის უმაღლეს საბჭოში თავისი წარმომადგენელი, მაგრამ პრეზიდენტმა გამჭვირვალობის მიზნით, 21 ივნისს შექმნა შესარჩევი კომისია. კომისიამ დაამთავრა მუშაობა და წარმოუდგინა პრეზიდენტს ორი კანდიდატურა", — განაცხადა პრეზიდენტის საპარლამენტო მდივანმა, გიორგი მსხილაძემ 15 ივლისს, ბრიფინგზე.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები