"ღირსეული პარტნიორის წვრთნები ემსახურება ჩვენი ქვეყნის მშვიდობას, სტაბილურობას და ასევე რეგიონში სტაბილურობას და უსაფრთხოებას. წვრთნები მნიშვნელოვნად გვეხმარება ნატოში ინტეგრაციის პროცესში და ნატოსთან თავსებადობაში", - ამის შესახებ დღეს, 30 ივლისს, საგარეო საქმეთა მინისტრმა, მიხეილ ჯანელიძემ მრავალეროვნული სწავლება ღირსეული პარტნიორი 2017-ის გახსნის ოფიციალურ ცერემონიალზე ისაუბრა:

"ეს ღონისძიება ხაზს უსვამს ჩვენი შეიარაღებული ძალების ყოველწლიურ განვითარებას, თავდაცვისუნარიანობის ამაღლებას. ჩვენი მიზანია ვიყოთ მეტად დაცულები ქვეყნის შიგნით, ასევე ვიყოთ მეტად თავსებადი ჩვენს პარტნიორებთან, და ევროატლანტიკურ უსაფრთხოებაში შევიტანოთ კიდევ უფრო მეტი წვლილი".

მრავალეროვნულ სწავლება ღირსეული პარტნიორი 2017-ს საქართველო წელს უკვე მესამედ მასპინძლობს. ამჯერად, სწავლება კიდევ უფრო ფართომასშტაბიანია და მასში ნატოს წევრი და პარტნიორი რვა ქვეყანა იღებს მონაწილეობას: საქართველო, აშშ, გაერთიანებული სამეფო, გერმანია, თურქეთი, სლოვენია, სომხეთი და უკრაინა. სწავლების აქტიური ფაზა 12 აგვისტოს, ვაზიანის მე-11 სასროლეთზე საჩვენებელი წვრთნით დასრულდება.