რა მოხდა: ლენტეხი-ცაგერი-ქუთაისის ცენტრალური საავტომობილო გზის ხუთ ტერიტორიაზე, უხვი ნალექის შედეგად, მეწყრული პროცესები განვითარდა, რის გამოც, ყველა სახის ავტოტრანსპორტის გადაადგილება დროებით ჩაიკეტა.

  • ინფორმაციას ლენტეხის მუნიციპალიტეტის მერია ავრცელებს.

დეტალები: მერიის ცნობით, ამ დროისთვის გაწმენდილია სტიქიის ზონის ხუთივე ტერიტორია და მაღალი გამავლობის ავტოტრანსპორტის მოძრაობა აღდგენილია.

  • ასევე, ცენტრალურ გზაზე მაღალი ძაბვის გადამცემი ხაზებისა და ბოძების მწყობრიდან გამოსვლის გამო, მუნიციპალიტეტის რამდენიმე სოფელს და უშუალოდ დაბას, არ მიეწოდება ელექტროენერგია.
  • "მობილიზებულია ენერგო-პროჯორჯიას ტექნიკური ჯგუფები და მიმდინარეობს აღდგენითი სამუშაოები და სავარაუდოდ, დღის ბოლომდე მოხდება ელექტროენერგიის მიწოდება მუნიციპალიტეტის მასშტაბით", — წერს მერია.