მოკლედ: სპეციალური საგამოძიებო სამსახურის ინფორმაციით, გამოავლინეს პირადი ცხოვრების საიდუმლოს ხელყოფისა და სექსუალური ხასიათის ქმედების იძულების 11 ფაქტი.

  • ბრალდება 7-წლამდე პატიმრობას ითვალისწინებს.

დეტალები: გამოძიებით დადგინდა, რომ ბრალდებული, წლების განმავლობაში, ფეისბუქზე განცხადებებს ათავსებდა, სადაც მოტყუებით უთითებდა, რომ იყო ფოტოგრაფი და ქალის თეთრეულის რეკლამისთვის ფოტოსესიაზე გოგოებს სპეციალურად შერჩეულ ბინებში იწვევდა.

გარდა ამისა, ბრალდებული, შესაბამისი ანაზღაურების სანაცვლოდ, ქალებს ძიძის/მომვლელის და მასაჟისტის ვაკანსიაზეც იბარებდა ბინაში, მათ გამოგონილი ვინაობით ეცნობოდა, მათ შორის ნუკრი ჯიოშვილის და ივანე ჯაიანის სახელით, რის შემდეგაც შედიოდა მათთან კომუნიკაციაში და ცდილობდა ნდობის მოპოვებას.

  • ბრალდებული, ბინაში, დაზარალებულებთან ე.წ საცდელ ფოტოსესიას აწყობდა, რა გზითაც მოტყუებით მოიპოვებდა დაზარალებულების ინტიმური შინაარსის ფოტო-ვიდეო ფაილს.
  • ფოტოსესიის შემდეგ, ის ქალებთან ცდილობდა კომუნიკაციის გაგრძელებას და პირადი ცხოვრების საიდუმლოს ამსახველი ინტიმური ფოტოების გავრცელების მუქარით, აიძულებდა სქესობრივი კავშირის დამყარებას.
  • ასევე, ბრალდებული, დაზარალებულებს სასმელში გაურკვეველ ნივთიერებას უყრიდა და უმწეო მდგომარეობაში მყოფ მსხვერპლებთან სქესობრივ კავშირს ამყარებდა, რა დროსაც ფარულად იღებდა დაზარალებულებთან სქესობრივი კავშირს.

სპეციალურმა საგამოძიებო სამსახურმა, ბრალდებული, 19 წლის დაზარალებული გოგოს პირადი ცხოვრების კადრებით შანტაჟის ფაქტზე, 2024 წლის 22 მარტს დააკავა.

  • ჩხრეკის შედეგად ამოღებულია 200-მდე ქალის 5000-ზე მეტი ინტიმური შინაარსის ფოტო და ვიდეო მასალა, მათ შორის ფარულად გადაღებული ვიდეო კადრები, რომელსაც ბრალდებული წლების განმავლობაში უკანონოდ მოიპოვებდა.
  • საგამოძიებო მოქმედებების შედეგად იდენტიფიცირდა 11 დაზარალებული.