დეპუტატი დიტო სამხარაძე აღიარებს, რომ შეურაცხმყოფელი წარწერების ორგანიზატორი თავად არის

მოკლედ: ქართული ოცნების დეპუტატი, დიმიტრი სამხარაძე ფეისბუქზე წერს, რომ "აგენტების წამოწყებულ ბულინგს გუშინ პასუხი გაეცა" და აქვეყნებს ვიდეოს, სადაც ჩანს, როგორ ესვრიან კვერცხებს იმ შენობებს, სადაც ბრიტანეთის საკონსულოს სავიზო ცენტრი, ტვ BMG, პარტია ახალი და სხვა საერთაშორისო კომპანიების ოფისებია.

დეტალები: "რასაც ჩვენს წინააღმდეგ განიზრახავთ, ათასჯერ უარესს, მტკივნეულს და ხარისხიანს დაგიბრუნებთ! ერთმანეთის დანახვაც არ მოგინდებათ, ისე მოგექცევით! ვერ გიშველიან თქვენი პატრონები, თუ ქართული ოცნების გუნდის ნებისმიერ წევრზე რაიმე ცუდს განახორციელებთ!",— წერს სამხარაძე.

კონტექსტი: გუშინ, 30 მაისს, უცნობმა პირებმა, არასამთავრობო ორგანიზაციების და ოპოზიციური პარტიების ოფისის კედლებზე, მუქარის შემცველი წარწერები დატოვეს.