ბიზნესებისთვის სამუშაო პროცესის გაუმჯობესება, მომხმარებლებთან კომუნიკაციის დამყარება და შეფასების მიღება წარმატების ერთ-ერთი საფუძველია. თანამედროვე სამყაროში ამ ყველაფრის მიღწევა ტექნოლოგიური საშუალებებითაა შესაძლებელი. დღეს უკვე არსებობს ასობით ხელსაწყო, რომელთა მეშვეობით ბიზნესები პროცესების ოპტიმიზაციასა და რესურსების დაზოგვას ახერხებენ. მათ შორისაა Google Workspace, Hubspot და Hotjar, რომელთა უპირატესობებზე ამ სტატიაში ქართველი მეწარმეები გვიამბობენ. ცნობისთვის, ამ და კიდევ ათეულობით სხვა ტექნოლოგიურ პლატფორმაზე საქართველოს ბანკისა და Mastercard-ის შეთავაზება მოქმედებს, რომელიც ბიზნესებისთვის ტექნოლოგიურ პლატფორმებზე ფასდაკლებას, შეღავათსა და უფასო სერვისს გულისხმობს.

Arena Games-ის წარმომადგენელი Google Workspace-ზე

"Google Workspace ბიზნესისთვის საჭირო აპლიკაციების სრული ეკოსისტემაა, რომელიც მოიცავს შემდეგ ინსტრუმენტებს: Gmail, Drive, Docs, Sheets, Slides, Meet და Calendar. ყველა ეს აპლიკაცია კომუნიკაციისთვის და რეალურ დროში დოკუმენტების შექმნისა და შენახვისთვის გამოიყენება. Google Workspace-ით მომხმარებლებს შეუძლიათ, შეუფერხებლად იმუშაონ ერთად მათი მდებარეობის მიუხედავად, რაც ხელს უწყობს პროდუქტიულობასა და ეფექტურობას. ბიზნესებს შეუძლიათ, Google Workspace არაერთი გზით გამოიყენონ, რათა ოპერაციები გაამარტივონ და გუნდებს შორის თანამშრომლობა გააძლიერონ. ჩვენნაირი სტარტაპებისთვის Google Workspace სამაშველო რგოლია. ის აუმჯობესებს კომუნიკაციას Gmail და Meet-ის საშუალებით, იძლევა დოკუმენტებისა და ელექტრონული ცხრილების გაზიარების საშუალებას და გვიადვილებს ონლაინ შეხვედრების ჩანიშვნას Calendar-ით. გარდა ამისა, Drive-ით ფაილების წვდომა ნებისმიერი ადგილიდანაა შესაძლებელი", — ამბობს მარიამ გიორგობიანი, Arena Games-ის წარმომადგენელი და 500 Georgia-ს მონაწილე.

როგორც მარიამ გიორგობიანი აღნიშნავს, მისი სტარტაპი გაშვების დღიდან იყენებს Google Workspace-ს და იგი უკეთესი შედეგების მიღწევაში ეხმარება.

"როგორც Cloud-ზე დაფუძნებული გადაწყვეტა, ის იდეალურად ემთხვევა ჩვენი მუშაობის მოქნილ სტილს, რაც საშუალებას გვაძლევს, ეფექტურად ვითანამშრომლოთ, სადაც არ უნდა ვიყოთ. მთლიანობაში, Google Workspace გახდა შეუცვლელი ინსტრუმენტი ჩემს პროფესიულ ცხოვრებაში - მეხმარება, ვიყო ორგანიზებული, ეფექტური და მუშაობისას უკეთეს შედეგებს მივაღწიო", — აღნიშნავს მარიამ გიორგობიანი.

D Block-ის წარმომადგენელი Hubspot-ზე

HubSpot-ის პლატფორმა ციფრული მარკეტინგის, გაყიდვებისა და მომხმარებელთა მომსახურების პროცესების გამარტივებას ერთ სივრცეში უზრუნველყოფს. D Block-ის ციფრული პროდუქტების ხელმძღვანელი, გიორგი ხაჩიძე, სწორედ ამ პლატფორმას განიხილავს:

"Hubspot გთავაზობთ მომხმარებელთან ურთიერთობისა და მათზე მორგებული გაყიდვების კომუნიკაციის ასაწყობად საჭირო ყველა ფუნქციონალს, რაც დაგეხმარებათ, როგორც გაყიდვებზე ძალისხმევის დაზოგვაში, ისე ბიზნესის სწრაფ ზრდაში. ეს პლატფორმის ერთ-ერთი მთავარი ღირებულებაა. HubSpot შექმნილია იმისათვის, რომ ნებისმიერი ტიპისა და ზომის ბიზნესს დაეხმაროს როგორც მომხმარებლების მოზიდვაში, ისე არსებული ლიდების მომხმარებლად გადაქცევაში",— ამბობს გიორგი ხაჩიძე.

გიორგი ხაჩიძე ბიზნესის მართვის პროცესში Hubspot-ს აქტიურად იყენებს. გიორგის აზრით, მომხმარებელთან კომუნიკაციის მიმართულებით, Hubspot-ის სერვისის მართვის ფუნქციონალი ბიზნესებს ყველაზე მეტად დაეხმარებათ.

"Hubspot-ის სერვისის მართვის ფუნქციონალის საშუალებით შეგიძლიათ შექმნათ პროდუქტის გამოყენების ინსტრუქციების გვერდი ან მომხმარებლისთვის საჭირო ტექსტური თუ ვიზუალური რესურსები. ასევე, გაძლევთ საშუალებას, თქვენს ციფრულ პლატფორმებზე დააინტეგრიროთ Live chat, საიდანაც მომხმარებელს მომენტალურ მხარდაჭერას გაუწევთ. მომხმარებლის უკუკავშირის მისაღებად სხვადასხვა ფორმების აწყობაც შეგიძლიათ, რომლის პასუხებსაც თავად პლატფორმა ვიზუალური დიაგრამებით ავტომატურად დაგიგენერირებთ", — აღნიშნა გიორგი ხაჩიძემ.

Printomato-ს წარმომადგენელი Hotjar-ზე

Hotjar-ია გლობალურ ბაზარზე უკვე თითქმის 10 წელია, ოპერირებს. ვებგვერდზე Hotjar-ის სერვისის ჩაშენების შემდეგ, მომზადდება ყოვლისმომცველი ანალიტიკური ანგარიში იმის შესახებ, თუ როგორ იქცევიან ვიზიტორები - რომელ ღილაკებს იყენებენ ყველაზე ხშირად, რომელ გვერდს აკვირდებიან, ნავიგაციის პროცესში რა გადაწყვეტილებებს იღებენ, სად აჩერებენ კურსორს, რამდენად სწრაფად სქროლავენ გვერდებს, რას კითხულობენ და სად წყვეტენ პლატფორმის გამოყენებას.

Printomato-ს თანადამფუძნებელი, რომა გუჯაბიძე პლატფორმის ეფექტიანობაზე საუბრობს და აღნიშნავს, რომ Hotjar-ის სერვისი ბიზნესს ვებგვერდის დახვეწასა და სამომხმარებლო გამოცდილების გაუმჯობესებაში ეხმარება. მისი განმარტებით, ბიზნესი, ანალიტიკურ ხელსაწყოებთან ერთად, Hotjar-ის მხრიდან რჩევებს და რეკომენდაციებსაც იღებს, რომელთა გათვალისწინებით ვებგვერდის ეფექტიანობა იზრდება. უნდა აღინიშნოს, რომ რეკომენდაციების გაცემის პროცესში ჩართულია მონაცემთა ანალიზის მოდელი და ხელოვნური ინტელექტი, რომელთა დახმარებით Hotjar-მა წლების განმავლობაში ათიათასობით ვებგვერდის დიზაინი გააუმჯობესა.

საქართველოს ბანკის და Mastercard-ის ბიზნეს ბარათით გადახდის შემთხვევაში, Google Workspace-ის საწყისი ყოველთვიური ტარიფი 4.99 დოლარი იქნება, რაც დაახლოებით 17%-იან ფასდაკლებას გულისხმობს; HubSpot-ის სერვისის შეძენისას 20%-იანი ფასდაკლებით ისარგებლებთ; ხოლო სპეციალური შეთავაზებით გარკვეული პერიოდის განმავლობაში Hotjar-ის საცდელ ვერსიაზე წვდომა უფასოდ მოიპოვებთ.

Mastercard-ის შეთავაზების ფარგლებში, ტექნოლოგიური პლატფორმების სრულ სიას აქ ნახავთ.

თუ ჯერ არ გაქვთ ბიზნეს ბარათი, შეუკვეთეთ ის ბიზინეს მობილბანკში ან ბიზნეს ინტერნეტბანკში და ისარგებლეთ სპეციალური შეთავაზებებით ათობით ტექნოლოგიურ პლატფორმასა და სერვისზე. და თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში ონლაინ მარტივად და პროცესში შეუკვეთეთ Mastercard ბიზნეს ბარათი.