მოკლედ: საერთაშორისო გამჭვირვალობა — საქართველო (TI) წერს, რომ მესტიის მუნიციპალიტეტში ნეპოტიზმის სავარაუდო ფაქტები გამოავლინა, კონკრეტულად, 11 თანამდებობის პირის 17 ნათესავი სხვადასხვა საჯარო უწყებაშია დასაქმებული.

რატომ არის ეს მნიშვნელოვანი: TI წერს, რომ ნეპოტიზმი საჯარო სამსახურში ერთ-ერთ ყველაზე მნიშვნელოვან პრობლემაა, განსაკუთრებით მუნიციპალურ იურიდიულ პირებში, სადაც დასაქმების არსებული პრაქტიკა, საჯარო მოხელეთა დანიშვნის წესისგან განსხვავებით, კონკურის გამოცხადების ვალდებულებას არ ითვალისწინებს.

  • მნიშვნელოვანია, რომ როგორც თანამდებობის პირების, საჯარო მოხელეების, ასევე მუნიციპალური იურიდიული პირების თანამშრომელთა შერჩევის მთავარი კრიტერიუმი მათი კომპეტენცია, გამოცდილება და კეთილსინდისიერება იყოს.

დეტალები: TI-ის მიხედვით, იმ თანამდებობის პირთა შორის, რომელთა ნათესავებიც სხვადასხვა საჯარო უწყებაშია დასაქმებული, პარლამენტის წევრი და რუსული კანონის მხარდამჭერი ვიქტორ ჯაფარიძეც არის.

  • ასევე, მესტიის მერი, კაპიტონ ჟორჟოლიანი და მესტიის საკრებულოს თავმჯდომარე, მაიზერ ჯაფარიძე, რომელიც თავად არის ვიქტორ ჯაფარიძის ბიძაშვილი.

ფოტო: საერთაშორისო გამჭვირვალობა — საქართველო

  • "ცხადია, ეს შემთხვევები აუცილებლად არ გულისხმობს, რომ საჯარო სამსახურში დასაქმება კონკურსის წესის გვერდის ავლით ან მისი დარღვევით მოხდა და მიზნად არ ისახავს კონკრეტული პირების პროფესიონალიზმისა და კეთილსინდისიერების ეჭვქვეშ დაყენებას, თუმცა, ერთი მუნიციპალიტეტის საჯარო უწყებებში დასაქმებულთა შორის გამოვლენილი ნათესაური კავშირების სიმრავლე აჩენს ეჭვებს ნეპოტიზმთან დაკავშირებით", — აცხადებს TI.

ფოტო: საერთაშორისო გამჭვირვალობა — საქართველო

ფოტო: საერთაშორისო გამჭვირვალობა — საქართველო

ფოტო: საერთაშორისო გამჭვირვალობა — საქართველო

გაიგე მეტი: ივანიშვილის კომპანიები ოფშორებში, ვილები პარიზსა და ნიუ-იორკში და კავშირები რუსეთთან — TI-ს კვლევა