რა ხდება: ევროკავშირის ოთხი ქვეყანა ითხოვს საქართველოს წინააღმდეგ სანქციების დაწესებას, მათ შორის, ბლოკთან უვიზო მიმოსვლის შეჩერებას, თუ პარლამენტი რუსულ კანონს მიიღებს.

  • ინფორმაციას გამოცემა Financial Times საკუთარ წყაროებზე დაყრდნობით ავრცელებს.

დეტალები: გამოცემა წერს, რომ ესტონეთი, ნიდერლანდები, ჩეხეთი და შვედეთი გამოვიდნენ ინიციატივით, ევროკავშირმა, მომდევნო კვირას, საგარეო საქმეთა მინისტრების შეხვედრაზე შემზღუდავი ზომები განიხილოს.

ეს ზომები მოიცავს საქართველოს მოქალაქეებისთვის ევროკავშირში უვიზო მიმოსვლის გაუქმებას, მიზნობრივ სანქციებს და ევროკავშირის სახსრების გაყინვას.

  • Financial Times-ის ინფორმაციით, ევროპული დედაქალაქები განიხილავენ "საქართველოს მთავრობაზე ზეწოლის განსხვავებულ ზომებს".
  • ევროკავშირის ოფიციალური პირები აცხადებენ, რომ კანონის ამოქმედება საქართველოს ევროკავშირში გაწევრიანების პროცესისთვის მნიშვნელოვანი მარცხი იქნება.

ასევე, ნახეთ: აშშ ფლობს ინფორმაციას, რომელსაც ქართული პოლიტიკური ელიტის წარმომადგენლების რეპუტაციის გაცამტვერება შეუძლია — რადიო თავისუფლება

ასევე, გამოცემის ინფორმაციით, ევროკავშირი, სავარაუდოდ, ვაშინგტონთან შედარებით, ნელა იმოქმედებს, რადგან ქვეყნების ნაწილი შიშობს, რომ უვიზო მიმოსვლის შეჩერებამ, შესაძლოა, უკუშედეგი მოიტანოს. ამის არგუმენტად მოჰყავთ ათობით ათასი ქართველი, რომელიც რუსულ კანონს ევროკავშირის დროშებით თვეზე მეტია, ქუჩაში აპროტესტებს.

"სიფრთხილეა საჭირო, რომ არასწორი ადამიანები არ გახდნენ სამიზნე", — თქვა ევროკავშირის ერთ-ერთმა დიპლომატმა.

კონტექსტი: სანქციების შესახებ კანონპროექტი, სახელწოდებით MEGOBARI Act დარეგისტრირდება აშშ-ის კონგრესშიც.

ამ თემაზე ვრცლად: თუ საქართველოს ანტიდემოკრატიული კურსი შეიცვლება, აშშ განიხილავს ვიზალიბერალიზაციას, მნიშვნელოვან სამხედრო და სავაჭრო დახმარებას