დეპუტატი ალეკო ელისაშვილი და პატრიოტთა ალიანსის ყოფილი წევრი, სოსო მანჯავიძე გადაცემა მაესტროს ფაქტორში ერთმანეთს ფიზიკურად მას შემდეგ დაუპირისპირდნენ, რაც ელისაშვილმა თბილისის მერიის არქიტექტურის ხელმძღვანელი, დიმიტრი მოსულიშვილის ქრთამის აღებაში დაადანაშაულა.

მანჯავიძემ ელისაშვილის აღნიშნულ განცხადებასთან დაკავშირებით იკითხა, რამდენად შეიძლებოდა ვინმეს ლოგიკური მსჯელობით პირის მექრთამეობაში დადანაშაულება:

"ეს ნორმალური თანაცხოვრების წესია? ეთერში ნუ ძველბიჭობ, შენი საძველბიჭო მალე დასრულდება“.

ელისაშვილმა მანჯავიძეს შეახსენა, რომ ის თავად პარტიიდან იყო გაგდებული და მისი დარიგება არ სჭირდებოდა:

"პარტიიდან არ გაგაგდო ინაშვილმა? ფული შემიჭამა, რა არამზადააო, არ ამბობდა და ეს კაცი ჭკუას მარიგებს?".

აღნიშნულ დიალოგს პირდაპირ ეთერში ორ პირს შორის ფიზიკური დაპირისპირება მოჰყვა.