კავკასიის უნივერსიტეტის რექტორის მტკიცებით, ბერიკაშვილი სუსის დავალებით არ გაუთავისუფლებია
![](http://phoebe.on.ge/2024/05/14/Kakha_20Shengelia_6643538827850.jpg)
მოკლედ: BMG-სთან საუბრისას, კავკასიის უნივერსიტეტის რექტორი, კახა შენგელია, ამბობს, რომ ეკონომიკის სკოლის დეკანი სოსო ბერიკაშვილი სამსახურიდან არაპროფესიონალიზმის გამო გაუშვა.
- ბერიკაშვილის მტკიცებით, შენგელიამ ეს გადაწყვეტილება სუს-ის ზეწოლის გამო მიიღო.
დეტალები: "ტყუილია, უნივერსიტეტის გამო, მასთან პირადი კონფლიქტი მქონდა. უნივერსიტეტში არაფერს აკეთებდა და ვაპირებდი გაშვებას. სოსო ბერიკაშვილი ახლა ცეცხლზე ნავთს ასხამს პირადი გამორჩენის მიზნით, რომ შემდეგ პარლამენტში მოხვდეს. ისე მოხდა, რომ უბრალოდ, ამ დღეებს დაემთხვა ეს ამბავი.
- ნინო ჟიჟილაშვილი მყავს უნივერსიტეტში და არამარტო, ხომ შემეძლო ისიც გამეშვა, თუ ეგეთი დავალება მქონდა?!" — ამბობს შენგელია BMG-სთან.
კონტექსტი: კავკასიის უნივერსიტეტის ეკონომიკის სკოლის დეკანმა, სოსო ბერიკაშვილმა, სოციალურ ქსელში პოსტი ცოტა ხნის წინ გამოაქვეყნა. ის წერს, რომ 29 აპრილს უნივერსიტეტის რექტორმა, კახა შენგელიამ დაიბარა და უთხრა, რომ სახელმწიფო უსაფრთხოების სამსახურმა შენგელიას, "ივანიშვილის გინების გამო", ბერიკაშვილის სამსახურიდან გაშვება მოსთხოვა.
- სოსო ბერიკაშვილმა ამავე პოსტში კავკასიის უნივერსიტეტის სტუდენტებს, რომლებიც 12 მაისს რუსული კანონის გასაპროტესტებლად გაიფიცნენ, მხარდაჭერა გამოუცხადა.
- დღეს დილას გავრცელდა საქართველოს უნივერსიტეტების საერთო განცხადება, რომელიც აღნიშნავდა, რომ პოლიტიკა აუდიტორიებს გარეთ უნდა დარჩეს, სასწავლო პროცესი კი ჩვეულ რეჟიმში გაგრძელდეს. განცხადებას ხელს კავკასიის უნივერსიტეტიც აწერდა.
- კავკასიის უნივერსიტეტის სტუდენტები რუსული კანონის გასაპროტესტებლად 12 მაისს გაიფიცნენ, ისინი უნივერსიტეტის პოზიციას ემიჯნებიან და გმობენ.
- სოსო ბერიკაშვილის სამსახურიდან გათავისუფლებისა და განცხადების ხელმოწერის გამო, კავკასიის უნივერსიტეტის ლექტორებმა პროტესტის ნიშნად სამსახური დატოვეს, ამ დროისთვის, უნივერსიტეტიდან უკვე წამოვიდნენ (სია განახლებადია):
- ნიკო ნერგაძე
- ლევან ბერძენიშვილი
- დავით ქაშიაშვილი
- სალომე უგულავა
- ნინო რობაქიძე
- დათო ჭუმბურიძე
- ლევან მოსეშვილი
- რუსიკო კობახიძე
- დავით ბერძენიშვილი
- ლიკა მერაბიშვილი
- ნინო მითაიშვილი
- ენუკი კვინტრაძე
- ზვიად ქორიძე
- ნინი ჭაჭია
- მამუკა ანდღულაძე
- მაია წიკლაური
- სოფო ზურაბიანი
ბოლო ხაზი: On.ge-მ პოზიციის დასაფიქსირებლად, კავკასიის უნივერსიტეტთან დაკავშირება სცადა, თუმცა უნივერსიტეტის საზოგადოებასთან ურთიერთობის დეპარტამენტი მედიის ზარებს არ პასუხობს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები