რა ხდება: საქართველოს პრემიერ-მინისტრი ამბობს, რომ ამერიკის სახელმწიფო მდივნის თანაშემწეს ევროპისა და ევრაზიის საკითხებში, ჯიმ ო'ბრაიენს, რომელიც თბილისში გამთენიისას ჩამოვა, სურდა შეხვედრა ბიძინა ივანიშვილთან, თუმცა უარი მიიღო.

დეტალები: ირაკლი კობახიძის თქმით, ივანიშვილმა, ბოლო თვეების განმავლობაში, არაერთ უცხოელ დიპლომატს და პოლიტიკოსს უთხრა შეხვედრაზე უარი.

  • მიზეზი კი, მისი განმარტებით, ერთია — კობახიძის თქმით, ივანიშვილი "ისედაც იმყოფება დე ფაქტო სანქციების ქვეშ, 2 მილიარდი დოლარი აქვს გაყინული, რომელიც მან დასავლეთს მიანდო და აღმოჩნდა გლობალური ომის პარტიის ხელში".
  • "აქედან გამომდინარე, ბიძინა ივანიშვილის პოზიციაა, რომ შანტაჟის ქვეშ ის ვერავითარ შეხვედრას ვერ გამართავს. ეს არის მისი ძალიან მკაფიო პოზიცია. როგორც კი დასრულდება ეს შანტაჟი და დე ფაქტო სანქციები, მაშინვე, რა თქმა უნდა, ნებისმიერი შეხვედრა შეიძლება შედგეს, მაგრამ დღეს ეს არის ბიძინა ივანიშვილის პოზიცია, — თქვა ბრიფინგზე კობახიძემ.

ბოლო ხაზი: სამთავრობო მედიასაშუალებებმა დღეს გაავრცელეს ინფორმაცია, რომ ო'ბრაიენს ჩამოაქვს სანქციების პაკეტი ივანიშვილისთვის.

  • ო'ბრაიენთან შეხვედრის შემდეგ კი, ივანიშვილი გუნდის წევრებს, კანონთან დაკავშირებით, პოზიციის შერბილებას სთხოვდა.