მოკლედ: ექსპო ჯორჯიადან, სადაც ევროპის დღისადმი მიძღვნილი ღონისძიება გაიმართა, მშობლების მარში დაიწყო. ისინი, ისევე, როგორც თბილისის კიდევ სამ სხვა ლოკაციაზე შეკრებილები, ევროპის მოედნისკენ გაემართებიან.

  • "რაც შვილებს უნდათ, ის უნდათ მშობლებსაც. ამიტომ ჩვენ ერთიანი ბრძოლით მივაღწევთ იმას, რომ ეს ქვეყანა იქნება ევროპის განუყოფელი ნაწილი", — აცხადებენ მშობლები.

დეტალები: მარშის მონაწილეები მსვლელობით მივლენ მარჯანიშვილის მოედანზე, სადაც რუსული კანონის საპროტესტო აქციის სხვა მონაწილეებს შეუერთდებიან.

  • დღეს, 11 აპრილს, ევროპის დღეს, რუსული კანონის წინააღმდეგ ხალხმრავალი საპროტესტო აქცია გაიმართება.
  • მოქალაქეები თბილისის ოთხი სხვადასხვა ლოკაციიდან მოაწყობენ მსვლელობას და საბოლოოდ, ევროპის მოედანზე გაერთიანდებიან.
  • მსვლელობები 19:00 საათზე დაიწყება.
  • დემონსტრანტები უკვე შეკრებილები არიან ამ წუთებში მარჯანიშვილის მეტროსთან და რესპუბლიკის მოედანზე.