მოკლედ: თბილისის დინამოს გულშემატკივართა გაერთიანება მიმინო 1925 აფუძნებს მოძრაობას — პირველი მერცხალი.

  • "ჩვენთვის დინამო იყო, არის და იქნება ეროვნული სულისკვეთების სიმბოლო. ვიდგებით იქ, სადაც დასჭირდება ქართველ ხალხს", — წერს მიმინო 1925.

დეტალები: პირველი მერცხლის მთავარი მისია იქნება რუსული კანონის საპროტესტო აქციებში მონაწილე დემონსტრანტებისთვის ზიანის შემცირება, ჰუმანიტარული აქტივობები და კოორდინაციისა და ორგანიზებულობის ზრდა:

  • "ერთი წლის შემდეგ, საპოლიციო რეჟიმის დინამიკა გვკარნახობს, რომ დათითოკაცებული აქტივობა უკვე საფრთხისშემცველია და დროა, გავერთიანდეთ. მმართველი პარტიის მიერ უკანასკნელი კვირების განმავლობაში მიღებულმა გადაწყვეტილებებმა ქვეყანა მიიყვანა სახიფათო გზაჯვარედინამდე".
  • მიმინო 1925 "ყველა დინამოელს, ყველა ფანს, ყველა მოქალაქეს" მოუწოდებს, შეუერთდნენ ტელეგრამის არხზე.

კონტექსტი: ხელისუფლების დაჟინებულ სურვილს, მიიღოს რუსული კანონი, ხალხი მრავალათასიანი საპროტესტო აქციებით ეწინააღმდეგება თბილისსა და საქართველოს სხვა ქალაქებში. პერიოდულად, ხელისუფლება იყენებს ძალას მშვიდობიანი დემონსტრანტების წინააღმდეგ.