რა ხდება: ბლოგერი და რუსული კანონის მოწინააღმდეგე უჩა აბაშიძე პოლიციამ დააკავა.

  • აბაშიძე საკუთარი ბინიდან სამართალდამცველებმა რამდენიმე წუთის წინ გამოიყვანეს.
  • ადვოკატის ინფორმაციით, საქმე აღძრულია სისხლის სამართლის 236-ე მუხლით, რაც ცეცხლსასროლი იარაღის, საბრძოლო მასალის, ფეთქებადი ნივთიერების ან
    ასაფეთქებელი მოწყობილობის მართლსაწინააღმდეგო შეძენას ან შენახვას გულისხმობს.

დეტალები: კორპუსის მიმდებარე ტერიტორიაზე დიდი რაოდენობით პოლიციაა მობილიზებული, იქ იმყოფებიან აბაშიძის მხარდამჭერები და მეგობრები.

  • ბლოგერის გამოყვანას შეკრებილები შეძახილებით შეხვდნენ.

ბოლო ხაზი: პოლიცია უჩა აბაშიძის სახლში რამდენიმე საათის განმავლობაში იმყოფებოდა.

სამართალდამცველებმა გამოიტანეს დალუქული ნივთებიც.