რა ხდება: მედიაომბუდსმენი აცხადებს, რომ რუსული კანონის საწინააღმდეგო პროტესტის გაშუქებისას სპეცრაზმელების სამიზნედ კიდევ 10 ჟურნალისტი და ოპერატორი იქცა.

დეტალები: ორგანიზაციის თანახმად,

  • სპეცრაზმელმა წიწაკის სპრეი შეასხა ტელეკომპანია პირველის ოპერატორს, ნიკო კოკაიას.
  • სპეცრაზმმა საქმიანობაში ხელი შეუშალა ონლაინგამოცემა პუბლიკას ჟურნალისტებს, ლიკა ზაკაშვილს და მამუკა მგალობლიშვილს.
  • სპეცრაზმმა საქმიანობაში ხელი შეუშალა ტელეკომპანია პირველის ჟურნალისტებს და ოპერატორებს: ნანუკა ქაჯაიას და დავით ბერაძეს. ასევე, ხელი ეშლებოდათ საქმიანობაში გიორგი შეწირულს, მარიამ მაკასარაშვილს და დიანა ჩირგაძეს;
  • სპეცრაზმელებმა სცემეს ონლაინგამოცემა აი, ფაქტის ჟურნალისტს, რობი ზარიძეს.
  • თავდასხმის მსხვერპლი აღმოჩნდა CNews Exclusive • ახალი ამბები-ს ჟურნალისტი გიგა გელხვიიძე.

მედიაომბუდსმენმა On.ge-ს აცნობა, რომ ჟურნალისტების და ოპერატორების ინტერესების გათვალისწინებით, სპეციალურ საგამოძიებო სამსახურს მიმართა და უწყებას სწრაფი გამოძიებისკენ მოუწოდა.

გარდა ამისა, ორგანიზაციამ, 2024 წელს რუსული კანონის საწინააღმდეგო პროტესტის გაშუქებისას ჟურნალისტებსა და ოპერატორების თავდასხმის 14 შემთხვევის შესახებ შეატყობინა საგამოძიებო უწყებას.