მოკლედ: პრეზიდენტმა სალომე ზურაბიშვილმა ლაზარე გრიგორიადისი შეიწყალა. ზურაბიშვილმა შეწყალების აქტი უკვე გამოსცა.

  • ინფორმაციას პრეზიდენტის ადმინისტრაცია ავრცელებს.

დეტალები: დღეს, 24 აპრილს, ლიზა ბითაძემ, ლაზარეს ადვოკატმა, On.ge-ის უთხრა, რომ ლაზარეს საქმის სარეზოლუციო ნაწილი მზად არის.

  • პროცედურულად, განაჩენის სარეზოლუციო ნაწილის მომზადების შემდეგ, პრეზიდენტი შეწყალების ოქმს გამოსცემს.

წინაისტორია: ლაზარე გრიგორიადისს 12 აპრილს, 9-წლიანი პატიმრობა მიესაჯა.

  • განაჩენის გამოცხადების შემდეგ, ლაზარეს დედამ და ადვოკატმა, პრეზიდენტ სალომე ზურაბიშვილს შეწყალების თხოვნით მიმართეს.
  • 12 აპრილს, სალომე ზურაბიშვილმა განაცხადა, რომ გრიგორიადისს შეიწყალებს.

ლაზარეს საქმის ქრონოლოგია: რუსული კანონის საწინააღმდეგო აქციის მონაწილე, ლაზარე გრიგორიადისი პოლიციამ 2023 წლის 29 მარტს დააკავა.

  • 31 მარტს სასამართლომ ლაზარე გრიგორიადის აღკვეთის ღონისძიების სახით პატიმრობა შეუფარდა.
  • 8 აპრილს გრიგორიადისისთვის პატიმრობის გირაოთი შეცვლის მოთხოვნა სააპელაციომ დაუშვებლად ცნო და ლაზარე პატიმრობაში დატოვა.
  • გამოძიების ვერსიით, გრიგორიადისმა პოლიციის თანამშრომლებს ქვები და ე.წ. მოლოტოვის კოქტეილები ესროლა, ასევე, ცეცხლი წაუკიდა შსს-ის კუთვნილ ავტომობილს.
  • დაკავებულს ბრალდება პოლიციელის ჯანმრთელობის ხელყოფისა და ცეცხლის წაკიდებით სხვისი ნივთის დაზიანების მუხლებით წარედგინა.
  • დანაშაული 7-დან 11 წლამდე პატიმრობას ითვალისწინებს.

2023 წლის 25 სექტემბერს ლაზარე გრიგორიადისს 2021 წელს მომხდარი ოჯახური ძალადობის საქმეზე 1 წლითა და 6 თვით თავისუფლების აღკვეთა მიუსაჯა. საუბარია მამის, ბექა გრიგორიადისის დაჭრაზე.

  • ამ თემაზე ლაზარეს მამას არაერთხელ უსაუბრია — ამბობდა, რომ შვილთან პრეტენზია არ აქვს.