მოკლედ: მედიის ადვოკატირების კოალიცია ხელისუფლებას მოუწოდებს, დროულად გამოიძიოს ტელეკომპანია ფორმულას ჟურნალისტზე, ია სართანიაზე თავდასხმის ფაქტი.

დეტალები: კოალიციის შეფასებით, ბოლო წლებში, ჟურნალისტებზე თავდასხმა განსაკუთრებით გახშირდა:

  • "თავდასხმას ახალისებს ხელისუფლების მხრიდან კრიტიკული მედიის დისკრედიტირების მცდელობა და კომენტარები, რომელიც თავისუფალი მედიის საზოგადოების მტრად წარმოჩენას ისახავს მიზნად".

კოალიცია წერს, რომ ჟურნალისტზე თავდასხმა პრესის თავისუფლების დარღვევაა და დემოკრატიული საზოგადოებას მნიშვნელოვან საფრთხეს უქმნის.

  • მათივე შეფასებით, ხელისუფლება არ უზრუნველყოფს ქვეყანაში მედიის წარმომადგენლების უფლებების დაცვას და უსაფრთხო სამუშაო გარემოს შექმნას.

წინაისტორია: 22 აპრილს, ტელეკომპანია ფორმულას ჟურნალისტმა ია სართანიამ ფეისბუქზე დაწერა, რომ მეტროში, უცნობი მამაკაცი მას ჯერ ფიზიკურად რამდენჯერმე შეეხო, შემდეგ კი ხელი ჰკრა, აგინებდა და სიტყვიერ შეურაცხყოფას აყენებდა.

  • ჟურნალისტის განცხადებით, მას ეჭირა ჩანთა, რომელზეც ფორმულას ლოგო იყო გამოსახული და "თავდამსხმელმა იცოდა, ვის უპირისპირდებოდა". მისივე თქმით, თავდამსხმელი დაკავებულია.