მოკლედ: საქართველოს პროკურატურამ განზრახ მკვლელობის მცდელობის ფაქტზე, ერთ პირს ბრალდება წარუდგინა.

დეტალები: შინაგან საქმეთა სამინისტროს გამოძიებით დადგინდა, რომ 17 აპრილს, თბილისში, ტაბიძის ქუჩის მიმდებარე ტერიტორიაზე, მოქალაქემ, ცეცხლსასროლი იარაღიდან რამდენიმე გასროლით, ორ ადამიანს სიცოცხლისთვის სახიფათო დაზიანებები მიაყენა.

  • მოქალაქე გაქცევას ცდილობდა, როცა დაზარალებულების თანმხლები პირი, ამჟამად ბრალდებული, მას დაედევნა და ცეცხლსასროლი იარაღით დაჭრა.
  • პროკურატურის მიხედვით, სამივე დაჭრილი გადაყვანილია საავადმყოფოში და ორი პირის ჯანმრთელობის მდგომარეობა კრიტიკულად მძიმეა.

პოლიციამ ბრალდებული იმავე დღეს დააკავა. მას ბრალი წარედგინა მუხლით, რომელიც განზრახ მკვლელობის მცდელობას გულისხმობს.

  • ბრალდება 10-დან 15-წლამდე პატიმრობას ითვალისწინებს.

მსგავსი: 3 ადამიანია დაჭრილი სროლის შედეგად თბილისში, ტაბიძის ქუჩაზე — მედია