რა ხდება: ლელოს ინფორმაციით, პარტიის გენერალური მდივანი ირაკლი კუპრაძე, რომელიც გუშინ აქციაზე დააკავეს, დროებითი დაკავების იზოლატორში იმყოფება.

დეტალები: პარტიაში არ იციან, როდის ჩაინიშნება სასამართლო მოსმენები და როდის გათავისუფლდებიან დაკავებული მომიტინგეები.

  • ამ წუთებში, ლელოს იურისტი და ადვოკატი ლევან სამუშია პოლიციის მთავარი სამმართველოს დროებითი დაკავების იზოლატორში იმყოფება და დაკავებულების მდგომარეობას ეცნობა.

ბოლო ხაზი: ირაკლი კუპრაძე პოლიციამ, სხვა მომიტინგეებთან ერთად, მშვიდობიანი პროტესტის დროს დააკავეს.

  • როგორც დაკავებულები ჰყვებიან, პოლიციამ არაპროპორციული ძალა გამოიყენა და დაკავებულებზე იძალადა.
  • ლელოს ცნობით, უმეტესობა ნაცემია, მათ შორის, ირაკლი კუპრაძეც.