რა ხდება: რუსთაველის გამზირზე, პარლამენტის შენობის წინ, რუსული კანონის საწინააღმდეგოდ, მოქალაქეთა პროტესტი გრძელდება.

  • ადგილზე მისული ხალხის რაოდენობა მზარდია.
  • "საქართველოს ევროპული მომავლისთვის ბრძოლა გრძელდება! რუსული კანონი გვეხება საქართველოს ყველა მოქალაქეს! რუსული კანონი არის დიდი კედელი საქართველოსა და ევროპას შორის!", — აცხადებენ აქციის ორგანიზატორები.

რუსული კანონის საწინააღმდეგო აქციის მონაწილეები პარლამენტთან შეკრებას იწყებენ. 2024 წლის 15 აპრილი

რუსული კანონის საწინააღმდეგო აქციის მონაწილეები პარლამენტთან შეკრებას იწყებენ. 2024 წლის 15 აპრილი

ფოტო: მარიამ მერლანი / On.ge

ამის პარალელურად, ჯერ კიდევ გრძელდება პარლამენტის იურიდიულ საკითხთა კომიტეტის სხდომა, სადაც საპარლამენტო უმრავლესობა მხარს უჭერს მათ მიერვე წარდგენილ რუსულ კანონპროექტს, ოპოზიცია კი ეწინააღმდეგება.

  • ახლახან, კომიტეტის თავმჯდომარემ, ანრი ოხანაშვილმა დარბაზიდან გააძევა რომან გოცირიძე.
  • მანამდე მან ასევე დაატოვებინა სხდომა ხაბეიშვილს, ვაშაძეს, მანჯგალაძესა და დეკანოიძეს.
  • დღის პირველ ნახევარში ანრი ოხანაშვილმა მიკროფონი გაუთიშა ხატია დეკანოიძეს მხოლოდ იმის გამო, რომ დეპუტატმა კანონპროექტი რუსულ კანონად მოიხსენია.
  • გარდა ამისა, კომიტეტის მსვლელობისას ფიზიკური დაპირისპირება მოხდა.

ასევე იხილეთ: დეპუტატები ელისაშვილს ფიზიკურად ჯგუფურად გაუსწორდნენ