პრემიერ-მინისტრმა, გიორგი კვირიკაშვილმა 2016 წელს, მეგობრის, გია გაჩეჩილაძის სიძეს, გიორგი შარაშიძეს განკარგულებით 12 900 მ2 ფართობის მიწა 326 000 ლარად გადასცა. აღნიშნულ ტერიტორიაზე 2019 წლამდე საწარმო უნდა აშენებულიყო, თუმცა იქ მხოლოდ ნანგრევებია. შარვაშიძის კომპანიას საფასური დღემდე არ გადაუხდია. ამ საკითხზე ჟურნალისტური გამოძიება სტუდია მონიტორმა ჩაატარა.

მონიტორის ცნობით, უცნობის სიძის კომპანიამ ყველა ვადა დაარღვია და არც ერთი ვალდებულება არ შეასრულა, ხოლო ქონება მხოლოდ მას შემდეგ ჩამოართვეს რაც ამ საკითხით სტუდია მონიტორი დაინტერესდა.

მონიტორის ინფორმაციით, უცნობის სიძემ კიდევ ერთი კოპანია სიტროენ ჯორჯია დააფუძნა და 4 სახელმწიფო ტენდერიც მოიგო, თუმცა სრულყოფილად არც ერთი არ შეასრულა. სიტროენ ჯორჯიამ მოიგო ეროვნული ბანკის, სახელმწიფო კომპანია ექსპრესის და ბათუმის სასწრაფო დახმარების ცენტრის შეკვეთები, თუმცა არც ერთი ორგანიზაციას ავტომანქანები არ მიუყვანა.