მოკლედ: თამბაქოს კონტროლის ალიანსის ინფორმაციით, საქართველოში საქმიანი ვიზიტით იმყოფება რუსეთის მომხმარებელთა კონფედერაციის თავმჯდომარე, დმიტრი იანინი.

  • მათივე ცნობით, თბილისში ჩამოსვლამდე იანინი ოკუპირებულ აფხაზეთში იმყოფებოდა.

დეტალები: თამბაქოს კონტროლის ალიანსი წერს, რომ:

  • რუს გავლენიან პირს მჭიდრო თანამშრომლობა აქვს საქართველოს მომხმარებელთა ფედერაციასთან, რომელთან ერთადაც, რამდენიმე თვის წინ, აპირებდა შეექმნა ახალი ორგანიზაცია, რომლითაც ევროკავშირის და სხვა დონორებისაგან დაფინანსებას მოიზიდავდნენ, მაგრამ რუსეთის მიმართ სანქციების პირობებში ჩანაფიქრი სისრულეში ვერ მოიყვანეს.
  • ასევე, იანინის მეუღლის, ნატაშა ტროპოვას ორგანიზაცია ჯანსაღი ინიციატივები" ფინანსდება თამბაქოს კომპანია "ფილიპ მორისის" სპეციალური ფონდიდან, "მოწევისაგან თავისუფალი მსოფლიო" და ძალისხმევას არ აკლებს თამბაქოს ახალი პროდუქტები ნაკლები ზიანის მომტანად გაასაღოს.

თამბაქოს კონტროლის ალიანსი მიიჩნევს, რომ სამართალდამცავმა ორგანოებმა უნდა გამოიკვლიონ დიმიტრი იანინის საქართველოში ვიზიტის რეალური მიზნები, მისი საეჭვო კავშირები ცალკეულ პირებთან და ორგანიზაციებთან და ასევე ის ფაქტიც, რომ მას დარღვეული აქვს კანონი ოკუპირებული ტერიტორიების შესახებ.

განახლება: თამბაქოს კონტროლის ალიანსის ინფორმაციით, იანინმა საქართველო უკვე დატოვა