რა ხდება: ე.წ. კანონიერმა ქურდმა, შაქრო კალაშოვმა ციხე დატოვა.

  • ამის შესახებ რუსული სამთავრობო საინფორმაცი სააგენტო TASS წერს.

დეტალები: კალაშოვმა საპყრობილე ვადამდე დატოვა.

  • ინფორმაცია მისი გათავისუფლების გადაწყვეტილების შესახებ, 13 მარტს გახდა ცნობილი.
  • გამოცემა 112-ის ცნობით, სასამართლომ გადაწყვეტილება პატიმრის ჯანმრთელობის მდგომარეობის გათვალისწინებით მიიღო.
  • 73 წლის პატიმარი სასჯელს იხდიდა კრასნოდარის მხარეში, უსტ-ლაბინსკის რაიონის სოფელ დვუბრატსკიში.

შაქრო "მალადოი" (ნამდვილი სახელი — ზაქარია კალაშოვი), ერთ-ერთი ყველაზე ცნობილი კრიმინალური ავტორიტეტია.

  • ის 1953 წლის 20 მარტს თბილისში დაიბადა.
  • 1971 წელს კი, თბილისშივე, "კანონიერი ქურდი" გახდა.
  • 1980-იანი წლებიდან ის მოსკოვში გადავიდა საცხოვრებლად.
  • კალაშოვი არაერთხელ გაასამართლეს, მათ შორის — საქართველოშიც.

კრიმინალური ავტორიტეტის, "ძედ ხასანის" (ასლან უსოიანი) მკვლელობის შემდეგ, 2013 წელს, შაქრო კალაშოვი, კრიმინალური სამყაროსთვის "რუსეთში #1 კანონიერი ქურდი" გახდა.

  • 2018 წლის მარტში კალაშოვი დამნაშავედ ცნეს გამოძალვაში: 8 მილიონი რუბლი მან მოსკოვში, კაფე Elements-ის მფლობელს, ჟანა კიმს გამოსძალა, 10 მილიონი რუბლი კი —Nordneftgaz-ის დირექტორის, ლევ გარამოვს.
  • სასამართლომ მას 9 წლითა და 10 თვით თავისუფლების აღკვეთა მიუსაჯა.

ასევე, ნახეთ — მიხეილ სააკაშვილი: ეჭვი არ მეპარება, რომ კალაშოვი საქართველოს არჩევნებისთვის გაათავისუფლეს.