მოკლედ: უკრაინის პრეზიდენტმა ვოლოდიმირ ზელენსკიმ დღეს უკრაინის ეროვნული უსაფრთხოებისა და თავდაცვის საბჭოს მდივნის თანამდებობიდან ოლქსი დანილოვი გაათავისუფლა.

დეტალები: პრეზიდენტის შესაბამისი ბრძანება დღევანდელი თარიღით, 26 მარტით თარიღდება.

მიზეზის შესახებ ვოლოდიმირ ზელენსკის ჯერ არ განუცხადებია.

  • ამავდროულად, ზელენსკიმ დანილოვის შემცვლელად, ალექსანდრ ლიტვინენკო დანიშნა.
  • ლიტვინენკო 2014 წლიდან 2019 წლამდე იყო ეროვნული უსაფრთხოებისა და თავდაცვის საბჭოს მდივნის მოადგილე, 2019 წლიდან 2021 წლამდე — სტრატეგიული კვლევების ეროვნული ინსტიტუტის დირექტორი, ხოლო 2021 წლის 23 ივლისიდან — უკრაინის საგარეო დაზვერვის სამსახურის თავმჯდომარე.

საკადრო ცვლილებები უკრაინის მთავრობაში — ბოლო სიახლეები : 8 თებერვალს უკრაინის პრეზიდენტმა უკრაინის შეიარაღებული ძალების მთავარსარდლის პოსტიდან ვალერი ზალუჟნი გაათავისუფლა და მის ნაცვლად ალექსანდრ სირსკის დანიშნა.

  • მოგვიანებით ზელენსკიმ სერგეი ნაევი უკრაინის შეიარაღებული ძალების გაერთიანებული ძალების მეთაურის თანამდებობიდან გაათავისუფლა, ამ პოსტზე იური სოდოლი დაინიშნა.
  • გარდა ამისა, ზელენსკიმ შეცვალა უკრაინის შეიარაღებული ძალების საჰაერო თავდასხმის ჯარების მეთაური. ეს თანამდებობა მაქსიმ მირგოროდსკის ეკავა. ახალი მეთაური გახდა იგორ სკიბიუკი.
  • ასევე, დაინიშნა ტერიტორიული თავდაცვის ძალების ახალი მეთაური — ეს თანამდებობა იგორ პლახუტამ დაიკავა.