ახალციხის რაიონულმა სასამართლომ მოზარდებთან გარყვნილი ქმედების მომზადებისთვის ბრალდებული დამნაშავედ სცნო საქართველოს სისხლის სამართლის კოდექსის 18-141-ე მუხლით. მოსამართლემ მას წარდგენილ ბრალდებაში და სასჯელის სახედ და ზომად ექვსი წლით თავისუფლების აღკვეთა განუსაზღვრა.

სასამართლო პროცესზე გამოკვლეული მტკიცებულებებით მოსამართლემ დადასტურებულად მიიჩნია, რომ 2017 წლის იანვარსა და თებერვალში, ბრალდებულმა ახალციხეში, 16 წელს მიუღწეველ ხუთ ბიჭს, რომლებსაც მობილური ტელეფონის ნომრები მოტყუებით გამოართვა, უკავშირდებოდა და გარკვეული თანხის სანაცვლოდ სხვადასხვა სახის სექსუალურ ურთიერთობას სთავაზობდა.

სამართალდამცველებმა ის ბრალდებულის სახით 2017 წლის 8 მარტს დააკავეს. სასამართლომ მას აღკვეთი ღონისძიების სახით პატიმრობა შეუფარდა.