"პუტინი აფინანსებს ლგბტ თემსაც და რადიკალებსაც" — რას ამბობდა მდინარაძე 2021 წელს და რას ამბობს ახლა
მოკლედ: ქართული ოცნების აღმასრულებელი მდივანი მამუკა მდინარაძე, რომელმაც გუშინ, 29 თებერვალს, "ფსევდოლიბერალური იდეოლოგიისგან და მისი გარდაუვალი მავნე შედეგებისგან დამცავი" კანონპროექტის შესახებ გვამცნო, 2021 წელს ამბობდა, რომ საქართველოში ლგბტ თემის უფლებები არ იზღუდება და "ლგბტ თემის დევნა ვლადიმერ პუტინის სქემის ნაწილია".
- მდინარაძემ ეს განცხადება გააკეთა 2021 წლის 13 ივლისს, რუსთავი 2-ის ეთერში, მას შემდეგ, რაც 5 ივლისს, რუსთაველის გამზირზე, სადაც ღირსების მარში იყო დაგეგმილი, ძალადობრივმა ჯგუფებმა აქტივისტების ოფისები დაარბიეს, იძალადეს 50-ზე მეტ ჟურნალისტზე, ხოლო ნაცემი ოპერატორი, ლექსო ლაშქარავა 11 ივლისს გარდაიცვალა.
მდინარაძე ეთერში ამბობდა, საქართველოში ლგბტ თემის უფლებები არ ირღვევა, რადგან "საქართველოს დაუწერელ წესებში აქვს, იყოს ტოლერანტი ყველას მიმართ".
- "ჩვენ ვართ ყველას უფლებების სადარაჯოზე. ამ საზოგადოებაში ლგბტ თემის წარმომადგენლებს არავინ არ დევნის, არავინ არ აგდებს მათ სამსახურიდან, არავინ არ დასდევს მათ ქუჩაში. საქართველოს არაფერი არ აქვს სამდურავი, იცით, რატომ? ამ ქვეყანას თავის ტრადიციებში, დაუწერელ წესებში აქვს, სისხლში აქვს ტოლერანტობა ყველას მიმართ."
- მდინარაძემ ლგბტ თემის მიერ მარშის მოწყობას "პუტინის პროვოკაციული მიზნები უწოდა" და პუტინის ინტერესებს დაუკავშირა.
- "პუტინი რას აკეთებს, ხომ იცით? პუტინი აფინანსებს ლგბტ თემსაც, ეს არის გავრცელებული აზრი, აფინანსებს რადიკალებსაც. ეს არის პუტინის მეთოდები, ერთი მხრივ, ხელი შეუწყოს, საბოლოოდ ისე არ ჩაკვდნენ, ვიღაცამ არ ჩაკლას ვითომ კონსერვატიული იდეა... ეს უნდა დაგვილაგდეს საქართველოში?" - განაცხადა მდინარაძემ.
კონტექსტი: გუშინ, 29 თებერვალს, ცნობილი გახდა, რომ ქართული ოცნება მზად არის, მოამზადოს მორიგი ანტიდასავლური და ჰომოფობიური კანონპროექტი, რომელიც კრემლის პრინციპებს იმეორებს.
- საპარლამენტო უმრავლესობის ლიდერმა მამუკა მდინარაძემ განაცხადა, რომ ქართულმა ოცნებამ მიიღო გადაწყვეტილება მოამზადოს კანონპროექტი, რომელიც საზოგადოებას "ფსევდოლიბერალური იდეოლოგიისგან და მისი გარდაუვალი მავნე შედეგებისგან დაიცავს".
- მდინარაძის თქმით, "არატრადიციული ცხოვრების წესის მიზანმიმართული პროპაგანდა არის ის, რასთან დაპირისპირებაც არის ჩვენი პასუხისმგებლობა ქართული საზოგადოების და მისი მომავლის წინაშე", მისივე თქმით, ყველა "ვინც ამ ღირებულებების წინაშე პასუხისმგებლობას გრძნობს", უნდა ჩაერთოს კანონპროექტის შექმნაში და მხარი დაუჭიროს მას.
- დღეს, 1-ელ მარტს, საქართველოს პრემიერ მინისტრმა მედიასთან თქვა, რომ თუ "ლგბტ პროპაგანდის" ამკრძალავი კანონის მიღებაში მთავრობის ჩართულობა გახდა საჭირო, კანონპროექტის მომზადებაში ჩაერთვებიან.
- კანონპროექტი, სავარაუდოდ, უახლოესი 2 კვირის განმავლობაში მომზადდება და დაინიციირდება პარლამენტში.
-
-
გადახედვაბრიტანელებს ევროვიზიაზე ადელის გაგზავნა უნდათ, ადელს — დასვენება ბრიტანელებს ევროვიზიაზე ადელის გაგზავნა უნდათ, ადელს — დასვენება
-
გადახედვაძაღლები ჩვენს სტრესს სუნით ცნობენ და ეს მათ განწყობაზეც აისახება — კვლევა ძაღლები ჩვენს სტრესს სუნით ცნობენ და ეს მათ განწყობაზეც აისახება — კვლევა
-
-
გადახედვაკიმ კარდაშიანის თქმით, The Crown-ს უყურა და ქვეყნის სამართავად მზადაა კიმ კარდაშიანის თქმით, The Crown-ს უყურა და ქვეყნის სამართავად მზადაა
-
-
გადახედვა20 წლის ბიჭი, რომელიც რუსული კანონის საწინააღმდეგო აქციაზე დააკავეს, მოსამართლემ პატიმრობაში დატოვა 20 წლის ბიჭი, რომელიც რუსული კანონის საწინააღმდეგო აქციაზე დააკავეს, მოსამართლემ პატიმრობაში დატოვა
-
გადახედვანოდარ მელაძე: ველით, კალაძის მოთხოვნის საფუძველზე, ტელევიზიის ანგარიშების და ქონების დაყადაღებას ნოდარ მელაძე: ველით, კალაძის მოთხოვნის საფუძველზე, ტელევიზიის ანგარიშების და ქონების დაყადაღებას
-
გადახედვანახეთ: NASA-ს ახალი ვიდეო ატმოსფეროში მოძრავ ნახშირორჟანგის ნაკადებს გვიჩვენებს ნახეთ: NASA-ს ახალი ვიდეო ატმოსფეროში მოძრავ ნახშირორჟანგის ნაკადებს გვიჩვენებს
-
გადახედვაბიონსემ კამალა ჰარისს საკუთარი მუსიკის საარჩევნო კამპანიაში გამოყენების უფლება მისცა ბიონსემ კამალა ჰარისს საკუთარი მუსიკის საარჩევნო კამპანიაში გამოყენების უფლება მისცა
-
-
გადახედვადაორსულების 4 ყველაზე უჩვეულო და იშვიათი გზა დაორსულების 4 ყველაზე უჩვეულო და იშვიათი გზა
-
გადახედვაშესაძლოა, მზის სისტემაში კიდევ ერთი ფარული ოკეანე იყოს შესაძლოა, მზის სისტემაში კიდევ ერთი ფარული ოკეანე იყოს
-
-
-
გადახედვაNASA-ს მავალმა მარსზე სიცოცხლის შესაძლო კვალს მიაგნო NASA-ს მავალმა მარსზე სიცოცხლის შესაძლო კვალს მიაგნო
-
-
-
გადახედვა"მთავარი არხის“ ჟურნალისტსა და ოპერატორზე ძალადობის ფაქტზე ორი პირი დააკავეს "მთავარი არხის“ ჟურნალისტსა და ოპერატორზე ძალადობის ფაქტზე ორი პირი დააკავეს
-
-
კომენტარები