ფლანგვის დეტექტორმა თბილისის საკრებულოს მიერ გამოცემული ორი განკარგულების საფუძველზე საქართველოს მართლმადიდებელი ეკლესიის საპატრიარქოს ჯამში 4 339 მ2 მიწის ნაკვეთი სიმბოლურ ფასად, ორ ლარად გადასცა.

თბილისის საკრებულოს 6 ივნისის გადაწყვეტილებით, საქართველოს საპატრიარქოს თბილისში, ჭიჭინაძის ქუჩაზე მდებარე 1 154 მ2 მიწის ნაკვეთი, სიმბოლურ ფასად, ერთ ლარად, გადაეცა. 27 ივნისს კი, კვლავ საქართველოს საკრებულოს გადაწყვეტილებით, თბილისში, ანგია ბოჭორიშვილის ქუჩაზე 3 185 მ2 მიწის ნაკვეთი, ისევ სიმბოლურ ფასად, ისევ ერთ ლარად გადაეცა.

"მიზნობრიობის გარეშე უძრავი თუ მოძრავი ქონების გადაცემის პრაქტიკა დედაქალაქის საკრებულოში უკვე მრავალი წელია რაც არსებობს. ბოლოს ასეთი შემთხვევა მიმდინარე წლის აპრილში დაფიქსირდა, როდესაც თემქის დასახლებაში არსებული 850 მ2 მიწის ნაკვეთი საპატრიარქოს კვლავ სიმბოლურ ფასად - ერთ ლარად გადაეცა," - აღნიშნავენ ფლანგვის დეტექტორში.

ფლანგვის დეტექტორი არასამთავრობო ორგანიზაცია მმართველობის მონიტორინგის ცენტრის მედია პროექტია.