სულ მალე ვიხილავთ რეალურ ამბავზე დაფუძნებულ ახალ ისტორიულ დრამას. აუშვიცის ტატუისტი ახალზელანდიელი მწერლის, ჰიზერ მორისის, მსოფლიო ბესტსელერის მიხედვით გადაღებული სერიალია, რომლის პრემიერაც მაისში იგეგმება. ამბავი ჰოლოკოსტს გადარჩენილი ლალე (ლუ) სოკოლოვის შესახებაა, რომელიც თავისი ცხოვრების მძიმე ეპიზოდზე ახალგაზრდა ავტორს უყვება და სთხოვს, ეს ისტორია წიგნად აქციოს.

ნაცისტების სიკვდილის ბანაკში მოხვედრილი სოკოლოვი, სლოვაკი ებრაელი ტყვე, მიზნად დაისახავს, ცოცხალი გადარჩეს და ამისთვის აუშვიცის ტატუისტიც კი ხდება: იგი მასავით ბანაკის ტყვეებს მკლავზე საიდენტიფიკაციო ნომერს აწერს. სწორედ ასე ხვდება ლალე თავისი ცხოვრების სიყვარულს, გიტას, და მისი მიზანი უკვე საყვარელი ადამიანის სიცოცხლის გადარჩენაც ხდება.

სერიალის პირველი ტრეილერი ცოტა ხნის წინ გავრცელდა.

"უნდა გადავრჩეთ, ყველაფრის ფასად", — ეუბნება ტრეილერში მძიმე კადრების ფონზე გიტა ლალეს.

///

მთავარ როლებს სერიალში ჯონა ჰაუერ-კინგი და ანა პროჩნიაკი ასრულებენ. ექვსი ეპიზოდისგან შემდგარი ეკრანიზაციის რეჟისორი ტალი შალომ ეზერია, ორიგინალური საუნდტრეკი კი კარა ტალვის და ორგზის ოსკაროსან ჰანს ციმერს ეკუთვნით.

ლალე აუშვიცის ბანაკში

ფოტო: Peacock

ჰიზერ მორისის სადებიუტო რომანი, აუშვიცის ტატუისტი, 2018 წელს გამოიცა და მალევე იქცა ბესტსელერად. წიგნი მსოფლიოში ათობით ენაზე ითარგმნა (მათ შორის, ქართულად) და 12 მილიონზე მეტ ეგზემპლარად გაიყიდა.

ნაწარმოების მიხედვით გადაღებულ სერიალს 2 მაისს ვიხილავთ.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…