მოკლედ: საქართველოსა და ჩინეთს შორის, სხვადასხვა სფეროში ურთიერთობა ღრმავდება, მათ შორის — ეკონომიკური კავშირებიც, ამის შესახებ მთავრობის ადმინისტრაციაში ირაკლი კობახიძისა და ჩინეთის ელჩის, ჭოუ ციენის შეხვედრისას აღნიშნეს.

დეტალები: მთავრობის ადმინისტრაციის ინფორმაციით, შეხვედრაზე ხაზგასმით აღინიშნა, რომ ჩინეთი საქართველოს სავაჭრო პარტნიორთა ხუთეულშია და 2023 წლის იანვარ-ნოემბერში, საქართველოსა და ჩინეთს შორის სავაჭრო ბრუნვამ 1,5 მილიარდ აშშ დოლარს გადააჭარბა.

მსგავსი: რა ვიცით ქართული ტელევიზიების ჩინეთის კომპარტიის ტელევიზიებთან თანამშრომლობაზე

  • პრემიერ-მინისტრმა და ელჩმა თქვეს, რომ საქართველოსა და ჩინეთის ურთიერთობა გასულ წელს, სტრატეგიული პარტნიორობის დონეზე გაღრმავდა.
  • ასევე, უფრო ინტენსიური გახდა თანამშრომლობა სხვადასხვა სფეროში.
  • იმედი გამოთქვეს, რომ ხალხთაშორის კავშირები კიდევ უფრო განვითარდება.
  • ხაზი გაესვა საქართველოს პარლამენტსა და ჩინეთის ეროვნულ სახალხო კონგრესს შორის თანამშრომლობასაც.

"პრემიერმა კიდევ ერთხელ გამოხატა საქართველოს მთავრობის მტკიცე მხარდაჭერა ერთიანი ჩინეთის პრინციპისადმი. მხარეებმა კიდევ ერთხელ დაადასტურეს ერთმანეთის სუვერენიტეტისა და ტერიტორიული მთლიანობის მხარდაჭერა", — ნათქვამია განცხადებაში.

ასევე, ნახეთ: ჩინეთის 50-ცენტიანი არმია მსოფლიოში ყალბ ამბებს ავრცელებს — რისთვის უნდა ვიყოთ მზად