მოკლედ: აშშ-ის პრეზიდენტმა ჯო ბაიდენმა რუსეთის პრეზიდენტ ვლადიმირ პუტინს "შეშლილი ბ***ს შვილი" (crazy SOB) უწოდა.

დეტალები: ბაიდენმა სან-ფრანცისკოში, დონორებთან შეხვედრისას, ძირითადად, ყურადღება გაამახვილა გარემოსდაცვით საკითხებზე.

  • "ჩვენ გვყავს შეშლილი ბ***ს შვილი, როგორიც არის პუტინი და სხვები და ჩვენ ყოველთვის უნდა გვაღელვებდეს ბირთვული კონფლიქტი, თუმცა, ეგზისტენციალური საფრთხე კაცობრიობისთვის კლიმატია", — თქვა ბაიდენმა.

პასუხად, კრემლმა თქვა, რომ ბაიდენს აქვს სუსტი მცდელობები, საუბრობდეს "ჰოლივუდელი კოვბოის მსგავსად".

  • "ასეთი ფრაზებით სხვა ქვეყნის პრეზიდენტის მოხსენიება, აშშ-ის პრეზიდენტის მხრიდან, არ დააზარალებს ვლადიმირ პუტინს, თუმცა ეს ამცირებს მას, ვინც ასეთ ლექსიკას იყენებს", — თქვა კრემლის პრესმდივანმა, დმიტრი პესკოვმა.
  • მოგვიანებით, ტელევიზიასთან ინტერვიუში პესკოვმა თქვა, რომ "ეს არის სირცხვილი ამერიკის შეერთებული შტატებისთვის".