მოკლედ: უკრაინის პრეზიდენტმა ხელი მოაწერა კანონს სამედიცინო მარიხუანას ლეგალიზაციის შესახებ. ამით, კანონი დაარეგულირებს კანაფით ვაჭრობას სამედიცინო, სამრეწველო და სამეცნიერო საქმიანობაში.

  • ვოლოდიმირ ზელენსკის მიერ ხელმოწერილი დოკუმენტი ძალაში დღეიდან, 16 თებერვლიდან შევა და ექვს თვეში ამოქმედდება.
  • უკანონო ვაჭრობა კი, უკრაინის ნარკოტიკების კანონმდებლობის შესაბამისად, დასჯადია.

დეტალები: სამედიცინო მარიხუანას მოყვანას მხოლოდ იურიდიული პირები შეძლებენ, რომლებსაც მოპოვებული ექნებათ სპეციალური ლიცენზია და სერტიფიკატი.

  • მარიხუანაზე დაფუძნებული მედიკამენტები მხოლოდ ექიმის მიერ დანიშნული რეცეპტით იქნება ხელმისაწვდომი.

ბოლო ხაზი: უკრაინის რადას დეპუტატებმა სამედიცინო კანაფის ლეგალიზების შესახებ კანონპროექტი 2021 წელს განიხილეს, მაგრამ მაშინ კენჭისყრა არ შედგა. კანონპროექტი უმაღლეს რადაში 2023 წლის ივნისში ისევ შევიდა, ამჯერად პრეზიდენტის მხარდაჭერით.